Дирӯз - 29 октябр маросими қадрдонии ғолибони даври ноҳиявии озмуни шаҳрии “Омилҳои коррупсиониро маҳкум месозем!” дар шаҳри Душанбе доир карда шуд. Дар ин бора АМИТ “Ховар” иттилоъ медиҳад.

Гуфта мешавад, ки озмуни мазкур мақсади азхудкунии дониш, маҳорат ва масъулият оид ба огоҳӣ, пешгирӣ ва ошкор намудани ҳуқуқвайронкуниҳои ба коррупсия алоқаманд, баланд бардоштани савияи дониш ва фарҳанги ҳуқуқии наврасон роҳандозӣ гардидааст.

Бояд гуфт, ки ин озмуни шаҳрӣ аз 15 октябр оғоз гардида, то 15 ноябри соли равон идома меёбад.

Ёдовар мешавем, ки озмуни “Омилҳои коррупсиониро маҳкум месозем” дар асоси дастуру супоришҳои Мақомоти иҷроияи ҳокимияти давлатии шаҳри Душанбе дар ҳамбастагӣ бо раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе баргузор гардида, ғолибони он бо мукофотпулиҳо, аз ҷумла барои ҷойҳои якум 2000 сомонӣ, барои ҷойҳои дуюм 1500 сомонӣ ва барои ҷойҳои сеюм 1000 сомонӣ муқаррар карда шудааст.

Гулафшон КАРИМОВА,“ҶТ”