ҶАВОНОН
Якшанбе 28 Ноябр 2021 08:09
8298
21 сентябр дар толори Вазорати меҳнат, муҳоҷират ва шуғли аҳолии Ҷумҳурии Тоҷикистон вохӯрии Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мудирони бахшҳои кор бо ҷавонони донишгоҳу донишкадаҳои кишвар баргузор гардид.

Зимни суханронӣ Абдулло Раҳмонзода нахуст ҷамъомадагонро ба муносибати оғози соли таҳсил табрику таҳният гуфт.

Дар идома аз вазъи бавуҷудомада дар ҳамсоякишвари Афғонистон ва хатари он ба истиқлолияту озодии кишвар изҳори назар карда шуд. Гуфта шуд, ки дар ин шароит бахшҳои кор бо ҷавонони донишгоҳу донишкадаҳоро лозим аст фаъолмандии бештар нишон дода, бо донишҷӯён вохӯрӣ баргузор намуда, фаҳмиши сиёсии ҷавононро боло бубаранд.

Ҳамчунин ҷиҳати пурзӯр кардани корҳои идеологӣ дар донишгоҳу донишкадаҳо, устувор намудани мавқеи донишҷӯён ва пур кардани фазои холӣ дар интернет ба иштирокдорони ҷаласа як қатор супоришҳо дода шуд.

Зикр гардид, ки дар моҳи октябр баргузории таҷлили 30-солагии Иттифоқи ҷавонони Тоҷикистон дар назар аст. Вобаста ба ин сана мебояд намояндагии Иттифоқ дар донишгоҳу донишкадаҳо таъсис дода шавад. Барои таҳияи ҷадвалу нақшаи корӣ ба масъулин дастур дода шуд, ки дар муддати кутоҳе, ки доранд корро дар ин самт ҷоннок намоянд.

Ардашер ПАЙВАНД, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.