Дирӯз 11 июл,  масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба ноҳияи Кӯҳистони Мастчоҳи вилояти Суғд сафар намуданд. 

Дар ноҳияи Кӯҳистони Масчоҳ масъулини кумита бо ҷавонону сокинони деҳаҳои ҳудуди ноҳия мулоқот намуданд. 

Зимни мулоқот таъкид гардид, ки Истиқлолияти давлатии Ҷумҳурии Тоҷикистон ганҷинаи бебаҳои миллати тоҷик буда, Ваҳдати миллӣ арзишмандтарин дастоварди даврони соҳибистиқлолии кишвар мебошад, ки бо талошу заҳматҳои хастанопазири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст. Мову шуморо зарур аст, ки ин ганҷинаи бебаҳои миллатро ҳимоя намуда, ҷиҳати таҳкими он талош намоем.

Мардуми саодатманду сарбаланд ва меҳмондӯсти ноҳия иброз доштанд, ки мо ҷонибдори сиёсати оқилонаи Пешвои муаззами миллат муҳтарам Эмомалӣ Раҳмон будем, ҳастем ва хоҳем монд.