Бо ташаббуси Раёсати кор бо ҷавонон ва варзиши вилояти Суғд дар кӯчаву гузаргоҳҳои ҷамоати деҳоти Ворух аксияи таблиғотиву ташвиқотӣ оид ба пешгирии оворагардӣ доир гардид.

Зимни аксия ба ҷавонон варақаҳои иттилоотӣ тақсим карда шуда, гуфта шуд, ки масъалаи оворагардии наврасону ҷавонон яке аз масъалаҳои муҳим, ташвишовар ва ҳалталаби ҷомеаи башар ба ҳисоб меравад. Аз ин рӯ, вобаста ба пешгирии ин масъала моро зарур аст, ки ҷиҳати паст намудани сатҳи оворагардӣ чораандешӣ намоем.