Дар асоси қарори раиси шаҳри Бӯстон бо мақсади дастгирии ҷавонони фаъол озмуни гирандагони стипендияи Раиси шаҳр баргузор гардид.

Зикр карда шуд, ки бо дастгирии Раиси шаҳр андозаи стипендия аз 80 сомонӣ ба 100 сомонӣ барои як моҳ муқаррар гардида, дар натиҷаи озмун 22 нафар ҷавонон, донишҷӯён ва хонандагони муассисаҳои таҳсилоти миёнаи умумии шаҳр ба гирифтани стипендияи мазкур шарафёб хоҳанд шуд.

Стипендияҳо ба ғолибон дар остонаи таҷлили Рӯзи ҷавонони Тоҷикистон дар фазои тантанавӣ тақдим карда мешавад.