6-уми апрел аз ҷониби Сарраёсати маорифи шаҳри Душанбе, дар Муассисаи давлатии “Маркази кӯдакон ва наврасони шаҳри Душанбе” даври дуюми (шаҳрии) озмуни “Ҷоизаи давлатии Ҷумҳурии Тоҷикистон барои олимону омӯзгорони фанҳои табиатшиносӣ, дақиқ ва риёзӣ” баргузор ва ҷамъбаст гардид.

Озмуни мазкур аз рӯи 8 шарт баргузор гардида, дар даври дуюми он 12 нафар омӯзгор аз муассисаҳои таълимии пойтахт иштирок намуд. Дар озмун мутахассисон аз Донишкадаи такмили ихтисос ва бозомӯзии кормандони соҳаи маорифи Ҷумҳурии Тоҷикистон дар шаҳри Душанбе, кафедраи технологияи иттилоотӣ ва амнияти иттилоотии Академияи идоракунии давлатии назди Президенти Ҷумҳурии Тоҷикистон, Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” ва Литсейи касбии политехникии шаҳри Душанбе ҷалб гардиданд.

Баъд аз баҳогузорӣ ба донишҳои амалӣ ва назариявии довталабон даври дуюми озмун ҷамъбаст гардид. Дар натиҷа 4 нафар омӯзгор аз муассисаҳои таълимии пойтахт бо ба даст овардани натиҷаҳои хуб ба даври ҷумҳуриявӣ роҳхат гирифтанд.