ҶАВОНОН
Душанбе 06 Феврал 2023 08:54
5230

22-юми декабри соли 2017 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси олӣ пешниҳод намуданд, ки бо мақсади тараққӣ додани соҳаи сайёҳӣ, муаррифии шоистаи имкониятҳои сайёҳии мамлакат ва фарҳанги миллӣ дар арсаи байналмилалӣ, инчунин ҷалби сармоя ба инфрасохтори сайёҳӣ соли 2018 дар кишвар “Соли рушди сайёҳӣ ва ҳунарҳои мардумӣ” эълон карда шавад. Пешвои миллат муҳтарам Эмомалӣ Раҳмон таъкид намуданд, ки шароити мусоиди табиӣ ва иқлими Тоҷикистон барои роҳандозии хизматрасонии муосири сайёҳӣ ва инкишофи намудҳои гуногуни он имконияти беҳтарин муҳайё кардааст.

Бо ин мақсад тайи як сол мардуми тоҷик ҳунару маҳорати худро муаррифӣ намуданд. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 1 то 17 октябри соли равон дар ҳамаи муассисаҳои таҳсилоти олии касбии кишвар бахшида ба “Соли рушди сайёҳӣ ва ҳунарҳои мардумӣ” баргузории озмуни “Ҷавондухтари ҳунарманди сол” ба нақша гирифта шуд.

Аз он ҷумла, 18 октябри соли равон дар Донишкадаи идоракунии давлатии назди Президенти Ҷумҳурии Тоҷикистон озмуни “Ҷавондухтари ҳунарманди сол” баргузор гардид. Дар даври аввали озмун донишҷӯдухтарон дар факултаҳо ҳунарнамоӣ намуданд. Инчунин дар факултаи идоракунии давлатӣ, муносибатҳои байналмилалӣ ва бахши магистратура ҷавондухтарон ҳунару истеъдоди худро намоиш доданд.

Озмуни мазкур аз ҷониби ҳакамон баҳогузорӣ гардида, дар ҷамъбаст ҷойи аввалро донишҷӯи курси 2-юми факултаи муносибатҳои байналмилалӣ Раҳмонализода Зевар, ҷойи дуюмро донишҷўи курси 2-юми ихтисоси идоракунии ҳайати кадрӣ Таманнои Халил ва ҷойи сеюмро магистранти курси 1-уми ихтисоси амнияти иттилоотӣ Мирсаидова Нафиса соҳиб гардиданд. Ғолиби озмуни “Ҷавондухтари ҳунарманди сол” Раҳмонализода Зевар ба даври дуюми озмун пешниҳод карда шуд.

Ҳамчунин 14-уми декабр дар муассисаи таҳсилоти миёнаи умумии №31-и ноҳияи Шоҳмансури шаҳри Душанбе даври дуюми озмуни “Ҷавондухтари ҳунарманди сол” миёни гулдухтарони донишгоҳу донишкадаҳои кишвар, ки дар даври аввал ғолиб баромаданд, баргузор гардид. Озмунро муовини раиси Кумитаи кор бо ҷавонон ва варзиш Аҳмадзода Дилноза оғоз бахшида, ба роҳбарияти муассиса барои баргузории даври дуюми озмуни ҷумҳуриявӣ имкон фароҳам оварданаш миннатдорӣ намуд. Иштирокчиёни озмун Орзузода Омина ва Нурализода Ғунчагул аз Донишкадаи давлатии фарҳанг ва санъати Тоҷикистон ба номи Мирзо Турсунзода, Олимова Дилором аз Донишгоҳи миллии Тоҷикистон, Паймона Қурбонова аз Донишгоҳи славянии Тоҷикистону Русия, Убайдуллозода Нодира аз Донишгоҳи давлатии омӯзгории Тоҷикистон ба номи С. Айнӣ, Абдуллозода Марҷон аз Донишгоҳи аграрии Тоҷикистон ба номи Шириншоҳ Шоҳтемур, Марҳабо Ғарибова аз Донишкадаи давлатии тарбияи ҷисмонӣ ба номи Саидмуъмин Раҳимов, Лола Толибова аз Донишкадаи соҳибкорӣ ва хизмат, Обида Азизмамадова аз Донишгоҳи тиббии Хатлон, Намуна Ғафурова аз Донишгоҳи молия ва иқтисоди Тоҷикистон, Зевар Раҳмонализода аз Донишкадаи идоракунии давлатии назди Президенти Ҷумҳурии Тоҷикистон, Хатича Бобоева аз Донишгоҳи давлатии Кӯлоб ба номи Абӯабдулло Рӯдакӣ, Оишабону Абдуллоева аз Донишкадаи давлатии санъати тасвирӣ ва дизайни Тоҷикистон, Зебуниссо Худоёрова аз Донишкадаи давлатии забонҳои Тоҷикистон ба номи Сотим Улуғзода ва Зевар Муродова аз Донишгоҳи давлатии тиббии Тоҷикистон ба номи Абӯалӣ ибни Сино фаъолона ширкат варзиданд. Гулдухтарон аз рӯи панҷ шарт - муаррифӣ, парпеч кардани кӯдак, хондани суруди алла, омода намудани хӯриш ва ҷавоб ба саволҳои пешниҳоднамудаи аъзои ҳакамон оид ба оила ва оиладорӣ, ҳунару маҳорати худро ба тамошогарону ҳайати ҳакамон нишон доданд.

Даври ҷамъбастии озмуни “Ҷавондухтари ҳунарманди сол-2018” 25 декабр дар тарабхонаи “Шоира – Люкс” баргузор гардид. Дар ин давр иштирокчиён ҳунару маҳорати худро возеҳтар намоиш доданд.

Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни сухани ифтитоҳӣ ғолибонро табрик намуда, барояшон дар оянда муваффақиятҳои бештар таманно намуд. Зимнан, чор нафар донишҷӯён - Раҳмонализода Зевар, донишҷӯи Донишкадаи идоракунии давлатии назди Президенти Ҷумҳурии Тоҷикистон, Олимова Дилором, донишҷӯи Донишгоҳи миллӣ Тоҷикистон, Обида Азизмамадова донишҷӯи Донишгоҳи тиббии Хатлон ва Паймона Қурбонова донишҷӯи Донишгоҳи славянии Русия ва Тоҷикистон “Ҷавондухтари ҳунарманди сол” эълон гардида, барои сазовор шудан ба ин мақом аз тарафи раиси Кумитаи кор бо ҷавонон ва варзиш бо сипоснома ва туҳфаҳо мукофотонида шуданд.

Ҳамчунин чанде аз донишҷӯён аз рӯи номинатсияҳои гуногун ғолиби озмун дониста шуданд. Аз ҷумла Марҳабо Ғарибова донишҷӯи Донишкадаи тарбияи ҷисмонии Тоҷикистон ба номи С. Раҳимов ва Акбарзода Лола донишҷӯи Донишгоҳи технологии Тоҷикистон аз рӯи номинатсияи “Ҷавондухтари боғайрат”, Абдуллоева Оиша донишҷӯи Донишкадаи санъати тасвирӣ ва дизайни Тоҷикистон, Абдуллозада Марҷон донишҷӯи донишгоҳи аграрии Тоҷикистон ва Нурализода Ғунчагул донишҷӯи Донишкадаи фарҳанг ва санъати Тоҷикистон, аз рӯи номинатсияи “Ҷавондухтари бомаърифат”, Убайдуллозода Нодира донишҷӯи Донишгоҳи давлатии омӯзгории Тоҷикистон ба номи Садриддин Айнӣ, Намуна Ғафурова донишҷӯи Донишгоҳи молия ва иқтисоди Тоҷикистон ва Лола Толибова донишҷӯи донишкадаи соҳибкорӣ ва хизмат аз рӯи номинатсияи “Ҷавондухтари ташаббускор”, Муродова Зевар донишҷӯи Донишгоҳи тиббии Тоҷикистон, Худоёрова Зебунисо донишҷӯи Донишкадаи давлатии забонҳои Тоҷикистон ва Бобоева Хатича донишҷӯи Донишгоҳи давлатии Кӯлоб аз рӯи номинатсияи “Ҷавондухтари лаёқатманд” ғолиб дониста шуда, бо туҳфаҳо сарфароз гардиданд.

Инчунин, барои болида гардонидани хотири иштирокчиёни озмун барномаи фарҳангӣ доир гардид.


 

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.