Дар ноҳияи Рӯшон озмуни "Зани соҳибҳунар", ки байни бонувони ҷамоатҳои деҳот гузаронида шуд, ҷамъбаст гардид.

Ҳамин тавр бо бартариҳои зиёд ҷойи аввалро ҷамоати Рӯшон ишғол намуд, зинаҳои дуюму сеюм бошад насиби ҷамоатҳои Бартанг ва Назархудо Додихудоев гаштанд.

Ёдовар мешавем, ки чорабинӣ бо иқдоми Бахши кор бо ҷавонон ва варзиши ноҳия ба муносибати "Соли рушди сайёҳӣ ва ҳунарҳои мардумӣ" ташкил шуда, ғолибони он аз тарафи мақомоти иҷроияи маҳаллии ҳокимияти давлатии Рӯшон бо ифтихорномаву мукофотпулӣ қадрдонӣ гардиданд.