ҶАВОНОН
Шанбе 11 Май 2024 08:21
Нодор мегӯяд: “Ман инро ба худ раво намебинам”. Доро мегӯяд: Чаро ман инро ба худ раво бинам?”
Роберт аз шумори миллионерҳоест, ки ба харидуфурӯши амволи ғайриманқул машғул мебошад. Ӯ дар ҳама гуна шароит қонеъ нашудану мунтазам таҷриба андӯхтанро муҳим мешуморад.
АСРОРИ МУВАФФАҚИЯТ
Роберт Тору Кийосаки дар Хило ном ҷазираи Гавайа ба дунё омадааст. Падараш философ, роҳбари мақомоти давлатӣ дар Гавайа буд ва писарашро барои таҳсил ба яке аз мактабҳои беҳтарин дод. Маҳз дар ин ҷо, ки аксар фарзандони оилаҳои сарватманд таҳсил менамуданд, Роберт бо шахсе шинос шуд, ки дар китоби ояндаи худ ӯро Падари Бой номид. Ӯ падари дӯсти беҳтаринаш буд.
Роберт баъди хатми мактаби миёна дар Академияи флоти тиҷоратии Ню-Йорк таҳсил намуда, сипас дар киштии тиҷоратӣ ба кор даромад. Ӯ ба кишварҳои мухталифи олам саёҳатҳои зиёд анҷом дода, ба Корпуси қӯшунҳои пиёдаи баҳрии ИМА шомил гардид. Хоҳиши ягонаи ӯ тағйир додани рӯзгори мардум ва ақаллан як гӯшаяки оламро аз камбағаливу нодорӣ, ноадолативу зулму ситам наҷот додан буд. Баъдан дар хадамоти ҳавонавардии ҳарбии Ветнам адои хизмат намуд.
Баъди бозгашт ба ИМА Роберт дар ширкати Xerox ба ҳайси ходими тиҷоратӣ ба кор даромада, баъди се сол корхонаи хусусии худро таъсис дод. Имрӯз Кийосаки иқрор мешавад, ки он замон хатоҳои зиёде содир намуда буд ва шояд китоби худро бо ҳамин мақсад таълиф кард, то ба одамон барои чунин хатоҳоро такрор накардан кӯмак намояд.
АЗ КАМБАҒАЛӢ ЧӢ ГУНА РАҲО БОЯД ЁФТ?
Нахуст тиҷорати Роберт чандон бобарор набуд. Аммо ӯ бо истифода аз ҳар гуна роҳу усул ва тиҷорати молу маҳсулоти гуногун кӯшиш менамуд, то роҳу усулҳои судманди раҳоӣ аз нодориву камбизоатиро ҳарчи бештар ошкор созад. Нобарориҳои чандинкарата низ раъйи ӯро дигар кардаву иродаашро шикаста натавонист. Ин аст, ки ӯ имрӯз тавассути китобҳояш ба ҳамагон роҳу усулҳои раҳоӣ аз нодориро меомӯзонад. Ӯ инро самараи нокомиву нобарориҳо ва хатоҳои пайдарпай дар рӯзгор ва таҷрибаи ҳаётии худ меҳисобад. Бо дарки он ки хатоҳои соҳибкорон аслан аз як сарчашма об мехӯранд, Роберт Кийосаки тасмим гирифт, ки маркази таълимӣ таъсис медиҳад. Ӯ тавассути семинари “Пул ва шумо” тарзу усулҳои муомила бо пулро ба одамон меомӯзонид. Доираи омӯзиши ӯ тадриҷан васеъ гардида, то Зеландияи нав паҳн гардид.
ТОҶИРИ МУВАФФАҚ
Роберт аз семинарҳои омӯзишӣ даст кашид, вале тиҷораташро идома медод. Ӯ аллакай миллионере буд, ки тарзи ҳаёти хоссаи худро дошт. Маҳз дар ҳамин даврае, ки вақти холии зиёд дошт, ӯ ба таълифи китоби худ шуруъ намуд. Се китоби ӯ, ки ҳамагӣ ба масоили тиҷорат бахшида шудаанд, тибқи тадқиқоти маҷаллаи “USA Today и The New York Times” дар рӯйхати 10 адад шоҳасарҳои беҳтарин қарор гирифтанд.
“ПАДАРИ ДОРО”
Рӯзе Кийосаки аз падараш пурсид, ки чӣ гуна пул кор кардан мумкин аст. Падараш дар ҷавоб гуфт, ки ӯ пули зиёд надорад ва ба ин суол ҷавоб дода наметавонад ва ба ӯ маслиҳат дод, то аз падари дӯсташ Майк, ки тоҷири муваффақ буд, инро хоҳиш намояд. Ӯ соҳиби ширкати сохтмонӣ, чандин мағозаву тарабхонаҳо ва дигар иншооти маишӣ буд. Ӯро дар синфи 8-ум аз мактаб ронданд, аммо сарватмандтарин шахс гардид. Ин аст, ки барои сарватманд шудан маълумотнокиро муҳим намешуморад.
ПОРЧА АЗ КИТОБИ “ПАДАРИ ДОРО, ПАДАРИ НОДОР”:
“Ин замон бесоҳиби оворагарде аз назди мо гузашта, дар назди қуттии калони ахлотпартоӣ бозистод ва ба кофтукови дохили он шуруъ намуд. Мо ба ӯ бодиққат менигаристем. Падари доро аз ҳамёнаш долларро бароварда, бо ишора он шахсро ҷеғ зад. Ӯ пулро дида, дарҳол наздик омада онро гирифт ва изҳори сипос намуд. “Ӯ аз аксари кормандони ман фарқ мекунад, - гуфт падари доро. – Ман одамони зиёдеро вохӯрдаам, ки мегӯянд: “Ба ман пул даркор нест” Аммо онҳо дар рӯз 8 соат кор мекунанду боз ҳамон ақидаи худ дар хусуси ба пул майлу рағбат ва эҳтиёҷ надоштанашонро такрор мекунанд. Модоме ки ба онҳо пул даркор набошад, пас барои чӣ кор мекунанд?”.
КАМБАҒАЛӢ БАДТАР АЗ ДУЗДӢ АСТ
“Ба ҳамааш меҳнати камбағалон гунаҳкор аст”, - мегӯяд муаллиф. Дар зиёда аз 130 саҳифаи китоб тақрибан 106 маротиба дар ин хусус сухан меравад. Муаллиф нодорону камбағалҳоро гунаҳкор шуморида таклиф мекунад, ки аз таҷрибаи ҳаёт баҳра гиранд.
“Шумо ё идора кардани пулро меомӯзед ё барои тамоми умр мутеи он мегардед. Шумо ё хоҷаи пул ҳастед ё ғуломи он, – мегӯяд Роберт Кийосаки. - Камбағалӣ бадтар аз дуздӣ аст”, - хулоса мекунад ӯ.
Шаҳло ЭШОНОВА, “ҶТ”
Р. Кийосаки
Роберт Кийосаки – муаллифи силсилакитоби машҳури “Падари доро, падари нодор”, тоҷир ва соҳибкори муваффақ, мураббиест, ки ба пул ва сармоягузорӣ назари хосса дорад. Китоби ӯ “Падари доро, падари нодор”, ки соли 1997 ба табъ расидааст, барои тоҷирони нав ба фаъолият шуруънамуда дастури хубе буда, дар рӯйхати шоҳасарҳои машҳури олам қарор дорад. Он ба 46 забон тарҷума ва дар 96 кишвари ҷаҳон нашр гардидааст. Он мафкураи миллионҳо нафарро доир ба пул ва муомила бо он тағйир додааст.Роберт аз шумори миллионерҳоест, ки ба харидуфурӯши амволи ғайриманқул машғул мебошад. Ӯ дар ҳама гуна шароит қонеъ нашудану мунтазам таҷриба андӯхтанро муҳим мешуморад.
АСРОРИ МУВАФФАҚИЯТ
Роберт Тору Кийосаки дар Хило ном ҷазираи Гавайа ба дунё омадааст. Падараш философ, роҳбари мақомоти давлатӣ дар Гавайа буд ва писарашро барои таҳсил ба яке аз мактабҳои беҳтарин дод. Маҳз дар ин ҷо, ки аксар фарзандони оилаҳои сарватманд таҳсил менамуданд, Роберт бо шахсе шинос шуд, ки дар китоби ояндаи худ ӯро Падари Бой номид. Ӯ падари дӯсти беҳтаринаш буд.
Роберт баъди хатми мактаби миёна дар Академияи флоти тиҷоратии Ню-Йорк таҳсил намуда, сипас дар киштии тиҷоратӣ ба кор даромад. Ӯ ба кишварҳои мухталифи олам саёҳатҳои зиёд анҷом дода, ба Корпуси қӯшунҳои пиёдаи баҳрии ИМА шомил гардид. Хоҳиши ягонаи ӯ тағйир додани рӯзгори мардум ва ақаллан як гӯшаяки оламро аз камбағаливу нодорӣ, ноадолативу зулму ситам наҷот додан буд. Баъдан дар хадамоти ҳавонавардии ҳарбии Ветнам адои хизмат намуд.
Баъди бозгашт ба ИМА Роберт дар ширкати Xerox ба ҳайси ходими тиҷоратӣ ба кор даромада, баъди се сол корхонаи хусусии худро таъсис дод. Имрӯз Кийосаки иқрор мешавад, ки он замон хатоҳои зиёде содир намуда буд ва шояд китоби худро бо ҳамин мақсад таълиф кард, то ба одамон барои чунин хатоҳоро такрор накардан кӯмак намояд.
АЗ КАМБАҒАЛӢ ЧӢ ГУНА РАҲО БОЯД ЁФТ?
Нахуст тиҷорати Роберт чандон бобарор набуд. Аммо ӯ бо истифода аз ҳар гуна роҳу усул ва тиҷорати молу маҳсулоти гуногун кӯшиш менамуд, то роҳу усулҳои судманди раҳоӣ аз нодориву камбизоатиро ҳарчи бештар ошкор созад. Нобарориҳои чандинкарата низ раъйи ӯро дигар кардаву иродаашро шикаста натавонист. Ин аст, ки ӯ имрӯз тавассути китобҳояш ба ҳамагон роҳу усулҳои раҳоӣ аз нодориро меомӯзонад. Ӯ инро самараи нокомиву нобарориҳо ва хатоҳои пайдарпай дар рӯзгор ва таҷрибаи ҳаётии худ меҳисобад. Бо дарки он ки хатоҳои соҳибкорон аслан аз як сарчашма об мехӯранд, Роберт Кийосаки тасмим гирифт, ки маркази таълимӣ таъсис медиҳад. Ӯ тавассути семинари “Пул ва шумо” тарзу усулҳои муомила бо пулро ба одамон меомӯзонид. Доираи омӯзиши ӯ тадриҷан васеъ гардида, то Зеландияи нав паҳн гардид.
ТОҶИРИ МУВАФФАҚ
Роберт аз семинарҳои омӯзишӣ даст кашид, вале тиҷораташро идома медод. Ӯ аллакай миллионере буд, ки тарзи ҳаёти хоссаи худро дошт. Маҳз дар ҳамин даврае, ки вақти холии зиёд дошт, ӯ ба таълифи китоби худ шуруъ намуд. Се китоби ӯ, ки ҳамагӣ ба масоили тиҷорат бахшида шудаанд, тибқи тадқиқоти маҷаллаи “USA Today и The New York Times” дар рӯйхати 10 адад шоҳасарҳои беҳтарин қарор гирифтанд.
“ПАДАРИ ДОРО”
Рӯзе Кийосаки аз падараш пурсид, ки чӣ гуна пул кор кардан мумкин аст. Падараш дар ҷавоб гуфт, ки ӯ пули зиёд надорад ва ба ин суол ҷавоб дода наметавонад ва ба ӯ маслиҳат дод, то аз падари дӯсташ Майк, ки тоҷири муваффақ буд, инро хоҳиш намояд. Ӯ соҳиби ширкати сохтмонӣ, чандин мағозаву тарабхонаҳо ва дигар иншооти маишӣ буд. Ӯро дар синфи 8-ум аз мактаб ронданд, аммо сарватмандтарин шахс гардид. Ин аст, ки барои сарватманд шудан маълумотнокиро муҳим намешуморад.
ПОРЧА АЗ КИТОБИ “ПАДАРИ ДОРО, ПАДАРИ НОДОР”:
“Ин замон бесоҳиби оворагарде аз назди мо гузашта, дар назди қуттии калони ахлотпартоӣ бозистод ва ба кофтукови дохили он шуруъ намуд. Мо ба ӯ бодиққат менигаристем. Падари доро аз ҳамёнаш долларро бароварда, бо ишора он шахсро ҷеғ зад. Ӯ пулро дида, дарҳол наздик омада онро гирифт ва изҳори сипос намуд. “Ӯ аз аксари кормандони ман фарқ мекунад, - гуфт падари доро. – Ман одамони зиёдеро вохӯрдаам, ки мегӯянд: “Ба ман пул даркор нест” Аммо онҳо дар рӯз 8 соат кор мекунанду боз ҳамон ақидаи худ дар хусуси ба пул майлу рағбат ва эҳтиёҷ надоштанашонро такрор мекунанд. Модоме ки ба онҳо пул даркор набошад, пас барои чӣ кор мекунанд?”.
КАМБАҒАЛӢ БАДТАР АЗ ДУЗДӢ АСТ
“Ба ҳамааш меҳнати камбағалон гунаҳкор аст”, - мегӯяд муаллиф. Дар зиёда аз 130 саҳифаи китоб тақрибан 106 маротиба дар ин хусус сухан меравад. Муаллиф нодорону камбағалҳоро гунаҳкор шуморида таклиф мекунад, ки аз таҷрибаи ҳаёт баҳра гиранд.
“Шумо ё идора кардани пулро меомӯзед ё барои тамоми умр мутеи он мегардед. Шумо ё хоҷаи пул ҳастед ё ғуломи он, – мегӯяд Роберт Кийосаки. - Камбағалӣ бадтар аз дуздӣ аст”, - хулоса мекунад ӯ.
Шаҳло ЭШОНОВА, “ҶТ”
Эзоҳи худро нависед