Дар арафаи таҷлили ҷашни Наврӯзи байналмилалӣ дар шаҳри Панҷакент бинои нави Маркази ҷавонон ба истифода дода хоҳад шуд.

Ба гуфти Зайнура Азимӣ, муовини раиси шаҳри Панҷакент, бинои мазкур бо тарҳи замонавӣ сохта шуда, аз панҷ ошёна ва таҳхона иборат аст. Дар он марказҳои забономӯзӣ, касбомӯзӣ ва дар таҳхонааш бошад, коргоҳҳои адрасу атласбарорӣ хоҳанд кушод.

Ин хабарро мудири бахши кор бо ҷавонон ва варзиши шаҳри Панҷакент тасдиқ карда, таъкид намуд, ки дар бинои нав барои бахш се утоқи корӣ ҷудо карда шуда, ҷиҳати ҷиҳозонидани утоқҳои кории нав бо мебелҳо 300 ҳазор сомонӣ харҷ гардидааст.