Бо мақсади расонидани муҳтавои Паёми Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба Маҷлиси Олии кишвар масъулини Раёсати кор бо ҷавонон ва варзиши ВМКБ бо ҷавонони вилоят мулоқотҳои судмандро роҳандозӣ намуданд.

Чунин як вохӯрӣ бо иштироки сардори раёсат Сураҷ Чоршанбиев дар маҷлисгоҳи қисми низомӣ 0410 - и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар вилоят бо ҳайати шахсии сарбозону афсарон гузаронида шуд.

Зикр гардид, ки Пешвои миллат муҳтарам Эмомалӣ Раҳмон дар Паёми имсолаи хеш ба Маҷлиси Олии кишвар иброз намуданд, ки: “Мо ба ҷавонон эътимоди комил дорем, дастгирии самимонаи онҳоро аз сиёсати пешгирифтаи давлату Ҳукумат қадрдонӣ мекунем ва нақши арзишмандашонро дар ҳамаи ҷанбаҳои ҳаёти кишвар эҳсос менамоем”. Аз ин суханҳои наҷиби Роҳбари давлат ҷавонон рӯҳу илҳоми тоза гирифта, бо мақсаду маромҳои созанда барои пешравии кишвари азизамон гомҳои устувор мегузоранд.