ҶАВОНОН
Ҷумъа 29 Март 2024 12:07
Ҷумҳурии Тоҷикистон баъди истиқлолияти комил ба даст овардан ба як қатор муваффақиятҳои бузург ноил гардида, онҳо нуфузи давлатдориамонро дар арсаи байналмилалӣ боло бардоштанд, ки ҳамагӣ пас аз ноил шудан ба Ваҳдати миллӣ сарчашма мегиранд. Қабл аз ба даст овардани сулҳ ва ризоияти миллӣ дар давлати тозаистиқлоламон нооромиҳои зиёде вуҷуд доштанд, ки ҳамаи онҳо маҳз бо ҷоннисориву талоши пайвастаи Пешвои миллат, муҳтарам Эмомалӣ Раҳмон бартараф гардида, кишвари азизамон Ваҳдати миллиро ба даст овард. Ҷаноби Олӣ дар он рӯзҳои вазнин барои аз байн бурдани камбағаливу бенавоӣ, беҳбудии соҳаи иқтисодиёт, ки асоси пешравии иҷтимоиётро ташкил медиҳад, талошу заҳмат кашиданд, ки ин яке аз сифатҳои халқпарваронаи Президенти кишварамон мебошад. Пешвои миллат аз рӯзи аввали ба сари ҳокимият омадан дар фикри беҳбудиву беҳрӯзии халқ буданд ва ҳамеша кӯшиш мекарданд, ки Тоҷикистони ҷавонро то ба қуллаҳои баланди рушд расонанд. Ана ҳамин сиёсати оқилонаашон буд, ки Тоҷикистон акнун натанҳо яке аз кишварҳои рӯ ба тараққӣ ва дар ҳалли тамоми проблемаҳои глобалӣ саҳмгузор, балки он ба ҷаҳониён чун манбаю макони сулҳу ваҳдат муаррифӣ шудааст.
Дар баробари ин, Пешвои муаззами миллат, муҳтарам Эмомалӣ Раҳмон ба ҷавонони кишвар диққати ҷиддӣ дода, тамоми имкониятҳоро барояшон муҳайё намуда истодааст. Масалан, таъсиси квота ва стипендияҳои президентӣ аз қабили ғамхориҳо дар ҳаққи ҷавонон аст. Ӯ аз ҷавонон умеди калон дорад ва доимо таъкид мекунад, ки ҷавонон ояндаи миллату давлатанд. Ҳамин ғамхориву дилсӯзии падаронаи Пешвои миллатамон аст, ки дар соҳаи маориф, ки қисми асосии пешравии ҷомеа аст, тағйироти куллӣ шуда истодааст: эълон шудани соли маориф ва фарҳанги техникӣ ва ё гузаштан аз системаи анъанавии таҳсилот ба системаи замонавӣ, яъне кредитӣ, ки ин барои донишҷӯён шароитҳои хуби донишазхудкуниро фароҳам овард. Инчунин, соли 2014 таъсис ёфтани Маркази миллии тестии назди Президенти Ҷумҳурии Тоҷикистон, ки тариқи он ҳар як ҷавон метавонад касби дилхоҳашро интихоб намуда, таҳсил намояд, аз ҷумлаи ғамхориҳои Пешвои миллат нисбат ба ҷавонон аст. Дар баробари ин соли 2017 дар саросари Ватани азизамон “Соли ҷавонон” эълон шуд, ки таваҷҷуҳи доимӣ доштани Президенти кишварро нисбат ба ҷавонон нишон медиҳад. Пешвои миллат, муҳтарам Эмомалӣ Раҳмон ҷавононро ҳамеша захираи тиллоии кишвар мешуморанд. Аз ин рӯ, мо - ҷавононро лозим ва бароямон фарз аст, ки барои дурахшон будани ояндаи миллатамон ҳамеша ва сидқан аз паи омӯзиш бошем, донишҳои муосирро аз худ намоем ва дар пешрафту шукуфоии Ватани маҳбубамон ҳиссагузор бошем.
Далер КАРИМОВ, сардори шуъбаи кор бо ҷавонони ДДК ба номи А. Рӯдакӣ
Дар баробари ин, Пешвои муаззами миллат, муҳтарам Эмомалӣ Раҳмон ба ҷавонони кишвар диққати ҷиддӣ дода, тамоми имкониятҳоро барояшон муҳайё намуда истодааст. Масалан, таъсиси квота ва стипендияҳои президентӣ аз қабили ғамхориҳо дар ҳаққи ҷавонон аст. Ӯ аз ҷавонон умеди калон дорад ва доимо таъкид мекунад, ки ҷавонон ояндаи миллату давлатанд. Ҳамин ғамхориву дилсӯзии падаронаи Пешвои миллатамон аст, ки дар соҳаи маориф, ки қисми асосии пешравии ҷомеа аст, тағйироти куллӣ шуда истодааст: эълон шудани соли маориф ва фарҳанги техникӣ ва ё гузаштан аз системаи анъанавии таҳсилот ба системаи замонавӣ, яъне кредитӣ, ки ин барои донишҷӯён шароитҳои хуби донишазхудкуниро фароҳам овард. Инчунин, соли 2014 таъсис ёфтани Маркази миллии тестии назди Президенти Ҷумҳурии Тоҷикистон, ки тариқи он ҳар як ҷавон метавонад касби дилхоҳашро интихоб намуда, таҳсил намояд, аз ҷумлаи ғамхориҳои Пешвои миллат нисбат ба ҷавонон аст. Дар баробари ин соли 2017 дар саросари Ватани азизамон “Соли ҷавонон” эълон шуд, ки таваҷҷуҳи доимӣ доштани Президенти кишварро нисбат ба ҷавонон нишон медиҳад. Пешвои миллат, муҳтарам Эмомалӣ Раҳмон ҷавононро ҳамеша захираи тиллоии кишвар мешуморанд. Аз ин рӯ, мо - ҷавононро лозим ва бароямон фарз аст, ки барои дурахшон будани ояндаи миллатамон ҳамеша ва сидқан аз паи омӯзиш бошем, донишҳои муосирро аз худ намоем ва дар пешрафту шукуфоии Ватани маҳбубамон ҳиссагузор бошем.
Далер КАРИМОВ, сардори шуъбаи кор бо ҷавонони ДДК ба номи А. Рӯдакӣ
Эзоҳи худро нависед