Дар ноҳияи Рӯдакӣ ҷиҳати расонидани муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ бо сокинон мулоқоти судманд баргузор гардид.

Дар мулоқот раиси ноҳия Акрамзода Рустам иштирок намуда, зимни суханронии хеш гуфт: “Дар Ҷумҳурии Тоҷикистон зери сиёсати маорифпарваронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон барои омода намудани кадрҳои баландихтисос, баланд бардоштани сифати таҳсил, мутобиқ намудани дарсҳои назариявию амалиявӣ тамоми имкониятҳо фароҳам оварда шудааст. Фарзандони ҳар яки мову шуморо зарур аст, ки илм омӯзанд, донишҳои замониваро аз худ намоянд ва ба кишвари худ содиқона хизмат намоянд”.