Бо мақсади пешгирии нашъамандӣ ва паҳншавии ҳаргуна касалиҳои сироятӣ байни ҷавонону наврасони ноҳияи Рӯшон аксияи иттилоотӣ - тарғиботӣ гузаронида шуд.

Чорабинӣ бо ибтикори Бахши кор бо ҷавонон ва варзиши ноҳия дар доираи Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2011 - 2020 роҳандозӣ шудааст.

Ташкилкунандаи аксия ва корманди бахш Шуҳрат Алиев гуфт, ки дар ҷараёни он ба ҷавонону толибилмони синфҳои болоӣ варақаю матолиби хабарӣ, китобчаҳо ва дигар маводи зарурӣ оид ба пешгирии ВНМО/СПИД, истеъмоли ҳар гуна маводи нашъадору ба саломатии инсон хавфнок тақсим гашт.