Дар ноҳияи Рӯшон масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо сарҳадбонони дидбонгоҳи № 5 – и ноҳия вохӯрӣ карданд.

Дар он сардори Раёсати кор бо ҷавонон ва варзиш Шаҳзод Раҳимзода ва мудири Бахши кор бо ҷавонон ва варзиши ноҳия Қаландар Давлатмамадов оид ба таваҷҷӯҳи пайвастаи Пешвои миллат муҳтарам Эмомалӣ Раҳмон ба сарҳадбонон, бунёдӣ як қатор иншооти ҳарбии замонавӣ, азнавсозии қисмҳои ҳарбӣ ва ҷузъу томҳо, беҳбуд ёфтани шароити хизматию маишӣ, таҳкими рӯҳияи ватандӯстию ватанпарварии ҷавонон ва дигар мавзӯъҳо бо ҳайати шахсии аскарон суҳбат намуданд.

Дар охир ба сарбозон туҳфаҳои гуногун ва муҳимоти варзишӣ тақдим гашт.