Дирӯз, 4 май, бо ташаббуси шуъбаи Иттифоқи ҷавонони Тоҷикистон дар ноҳияи Бобоҷон Ғафуров таҳти унвони «Ҷавонон – ҷонибдори рушди босуботи кишвар» роҳпаймоӣ баргузор гардид.
 
Дар он зиёда аз 7 ҳазор ҷавони касбу кори гуногун бо шиору овезаҳо, ки инъикосгари ватандӯстӣ, арҷгузорӣ ба сулҳу суботи кишвар, ҷонибдорӣ аз сиёсати хирадмандонаи Пешвои миллат, Президенти ҷумҳурӣ, муҳтарам Эмомалӣ Раҳмон, дастгирӣ аз лоиҳаи тағйиру иловаҳое, ки ба Конститутсияи Ҷумҳурии Тоҷикистон ворид мегардад, буданд, ширкат варзиданд.

Раҳпаймоии ҷавонон аз назди беморхонаи марказии ноҳия оғоз гардида, то назди муҷассамаи Бобоҷон Ғафуров идома ёфт. 

Аҳли фарҳанги ноҳия бо барномаи фарҳангӣ, ки ифодакунандаи сулҳу дӯстӣ буд, баромад намуданд.