ҶАВОНОН
Шанбе 19 Сентябр 2020 11:48
7001
Ҷавонон аз рӯзҳои нахустини соҳибистиқлолӣ дар партави сиёсати ҷавонпарваронаву маорифпарваронаи роҳбарияти олии мамлакат дар ҳама самтҳо фаъолияти хубу назаррас нишон дода, то имрӯз ба комёбиҳои зиёде ноил гардидаанд. Бо заҳматҳо ва сарфи неруи зеҳниву ҷисмонии ин қишри ояндасоз парчами Тоҷикистони азизро дар арсаи ҷаҳонӣ борҳо баланд шудааст.

Ҳукумати Ҷумҳурии Тоҷикис-тон баробари дигар масъалаҳо ба масъалаи тарбияву бакамолрасонии кадрҳои баландихтисосу соҳибтаҷриба таваҷҷуҳи махсус зоҳир намуда, дар ин самт то имрӯз тадбирҳои зиёде амалӣ кардааст. Ҷавонони бонангу номуси кишвар дар даврони истиқлолияти давлатӣ бо истифода аз имкониятҳои мавҷуда пайи аз бар намудани илму дониш буда, ҷавобан ба дастгириву ғамхориҳои пайвастаи давлат бо дасту дили гарм дар рушди меҳан саҳми худро гузошта истодаанд.

Қобили зикр аст, ки маҳз ҳамин гуна сиёсати ҷавонпарваронаи роҳбарияти олии мамлакат аст, ки имрӯз кадрҳои ҷавону соҳибистеъдод дастгирӣ ёфта, дар вазифаҳои гуногуни давлатӣ кору фаъолият менамоянд ва рушдбахшандаи ватани азизамон мебошанд.

Пешвои миллат муҳтарам Эмомалӣ Раҳмон зимни вохӯ-риҳояшон бо ҷавонон ҳамеша аз нақши ҷавонон дар рушди кишвар ёдовар шуда, иброз медоранд, ки ба таври шоиста муаррифӣ кардани ҷумҳурӣ дар арсаи ҷаҳонӣ бояд яке аз ҳадафҳои асосии қишри ояндадори ҷомеа бошад.

“Ҳукумати Тоҷикистон ҷаво-нонро неруи тавонои созанда ва пешбарандаи ҳамаи соҳаҳои ҳаёти мамлакат меҳисобад ва ҳалли мушкилоту масъалаҳои вобаста ба зиндагӣ ва таҳсилу фаъолияти онҳоро ҳамчун самти афзалиятноки сиёсати иҷтимоии худ эътироф менамояд. Давлат ва Ҳукумати Тоҷикистон дар самти тарбияи кадрҳои ҷавон барои ҳамаи соҳаҳои иқтисоди миллӣ, дастгирии ҳамаҷонибаи мутахассисони ҷавон ва беҳтар гардонидани вазъи иҷтимоиву иқтисодии онҳо пайваста кӯшиш дорад. Дар ин росто, ҷалби ҷавонон ба илм ва азхудкунии техникаву технологияҳои муосир аз самтҳои муҳими сиёсати давлатӣ мо ба шумор меравад. Мо чунин мешуморем, ки татбиқи пайгиронаи ин ҳадаф омили асосии рушди неруи инсонӣ, шарти муҳимтарини пешрафту устувории давлат ва тақвияти иқтидори иқтисодии он мебошад. Аз ин лиҳоз, сидқан дӯст доштани Ватан, ҳифз намудани манфиатҳои миллии он ва бо донишу маърифати замонавӣ дар арсаи байналмилалӣ ба таври шоиста муаррифӣ намудани Тоҷикистон бояд аз ҳадафҳои асосии шумо бошад”, - афзудаанд, Президенти кишвар муҳтарам Эмомалӣ Раҳмон.

Ҷавонони кишвар имрӯз бо дарки ин гуфтаҳои роҳбарияти олии кишвар сидқан илму дониш омӯхта, чун кадрҳои ҷавон бо фаъолияти пурбори хеш дар рушди соҳаҳои гуногун саҳми худро гузошта, дар баробари ин кишварро ба таври шоиста ба ҷаҳониён муаррифӣ намуда истодаанд. Яке аз чунин кадрҳои ҷавону кордон ва соҳибтаҷрибаву болаёқат, ки ҳамеша баҳри ободиву пешрафти Тоҷикистон талош менамояд, муҳтарам Рустами Эмомалӣ мебошад.

Рустами Эмомалӣ аз зумраи кадрҳои ҷавони болаёқатест, ки маҳз бо талошу заҳмат, фаъолияти пурсамару самарабахш ва кӯшишҳои созандааш дар роҳи ободии Ватан тавонист, ки ҳамчун кадри кордону ташаббускор сазовори боварии Президенти кишвар ва аҳолии ҷумҳурӣ шуда, ба масъулиятҳои баланди давлатӣ пешбарӣ гардад.

Имрӯз вақте ба дилхоҳ мақомоту идораҳои давлатӣ назар менамоем, мебинем, ки кадрҳои ҷавон низ баробари дигар қишрҳои ҷомеа пайи коранду масъулияти баландро бар уҳда доранд. Ин аз он шаҳодат медиҳад, ки ҷавонон имрӯз бо ҳисси баланди худшиносию худогоҳӣ дар роҳи рушди кишвар саъю талош доранду суханони ҳикматомези Президенти кишварро, ки ҳамеша баҳри пешрафта гардидани насли ҷавони ҷумҳурӣ таъкидҳо менамоянд, сармашқи кору фаъолияти хеш қарор додаанд.

Сидқан илм омӯхтану содиқона фаъолият кардан ҳамеша инсонро ба зинаҳои баланд мерасонад ва ин таҷриба дар раванди ҳаёт борҳо собит шудааст. Фаъолияти содиқонаву софдилонаи муҳтарам Рустами Эмомалӣ буд, ки ҳамчун кадри ҷавон дар заминаи эътимоди роҳбарияти олии мамлакат фаъолияти худро дар Вазорати рушди иқтисод ва савдои Ҷумҳурии Тоҷикистон ба ҳайси сармутахассиси шуъбаи ҳамкорӣ бо Созмони умумиҷаҳонии савдо оғоз бахшида, солҳои 2006-2009 дар ин ҷода кор кардааст. Сипас, аз моҳи апрели соли 2009 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба ҳайси иҷрокунандаи вазифаи сардори Раёсати дастгирии соҳибкорӣ кор карда, моҳи июни соли 2009 сардори ин раёсат таъин гардид. Солҳои 2011-2012 дар вазифаи сардори Раёсати ташкили мубориза бар зидди ҳуқуқвайронкуниҳои гумрукии Хадамоти гумруки назди Ҳукумати Ҷумҳурии Тоҷикистон фаъолият намуда, солҳои 2012 - 2013 ба сифати муовини сардори Хадамоти гумруки назди Ҳукумати Ҷумҳурии Тоҷикистон кор кардааст. Баъдан, солҳои 2013-2015 ба ҳайси сардори Хадамоти гумруки назди Ҳукумати Ҷумҳурии Тоҷикистон фаъолияти назаррас кардааст.

Президенти кишвар муҳ-тарам Эмомалӣ Раҳмон дар ҳар вохӯрии хеш бо қишри ҷавони ҷомеа таъкид менамоянд, ки ҷавонон давомдиҳандаи кору фаъолияти насли калонсол ва ояндаи дурахшони кишвар буда, давлату Ҳукумат дар ҳама самт ҷиҳати рушди малакаи зеҳниву ҷисмонии онҳо чораҳои зарурӣ меандешад. Маҳз ҳамин иқдоми созандаи Пешвои миллат аст, ки ҷавонон аз имкониятҳои фароҳамгардида истифода мекунанду ба комёбиҳо ноил мегарданд.

Рустами Эмомалӣ низ дар партави сиёсати созандаву ҷавонпарваронаи роҳбарияти олии мамлакат тавонист, ки боварии Роҳбари давлатро соҳиб шуда, ҳамчун кадри ҷавон ба масъулияти баландтари давлатӣ пешбарӣ гардад. Бо назардошти қобилияти кордониву роҳбарияш Рустами Эмомалӣ бо Фармони Президенти Ҷумҳурии Тоҷикистон аз 16 марти соли 2015 директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон таъин гардида, то 12 январи соли 2017 дар ин вазифа фаъолият намуд. Баъдан бо Фармони Президенти Ҷумҳурии Тоҷикистон аз 12 январи соли 2017 иҷрокунандаи вазифа ва аз 4 апрели соли 2017 ба вазифаи раиси шаҳри Душанбе таъин шуд.

Дар се соли фаъолияти муҳтарам Рустами Эмомалӣ ба ҳайси раиси шаҳри Душанбе пойтахти кишвар боз ҳам ободу зебо гардида, ба шаҳри орзуҳо табдил ёфт. Ин ҳама ободониву созандагие, ки имрӯз дар пойтахти кишварамон ба назар мерасад, маҳз дар заминаи фаъолияти назарраси кадри ҷавону болаёқат ва роҳбари кордону муваффақ муҳтарам Рустами Эмомалӣ мебошад.

Санаи 17 апрели соли ҷорӣ зимни Иҷлосияи якуми Маҷлиси миллии Маҷлиси Олии Ҷумҳурии Тоҷикистон даъвати шашум, ки дар кори он Президенти Ҷумҳурии Тоҷикистон муҳтарам Эмомалӣ Раҳмон иштироку суханронӣ намуданд, Рустами Эмомалӣ ба вазифаи Раиси Маҷлиси миллии Маҷлиси Олии Ҷумҳурии Тоҷикистон интихоб гардид, ки ин ифтихори кулли ҷавонони кишвар аст.

Имрӯз тамоми ҷавонони Тоҷикистон ифтихор аз он доранд, ки муҳтарам Рустами Эмомалӣ ҳамчун кадри ҷавону лаёқатманд ба ҳайси Раиси мақоми олии намояндагӣ ва қонунгузори кишвар – Маҷлиси миллӣ таъин гардид ва бо фаъолияти софдилонаву содиқонаи хеш метавонад, баҳри рушду нумуи ҳарчи бештари кишвари азизамон саҳми арзанда гузорад. Ба вазифаи Раиси Маҷлиси миллии Маҷлиси Олии мамлакат интихоб шудани Рустами Эмомалӣ бори дигар аз он шаҳодат медиҳад, ки боварии роҳбарияти Ҳукумату давлат ба ҷавонон афзудааст.

Пас, дар ин росто ҳар як ҷавони кишварро мебояд содиқона илму дониш омӯзаду бо фаъолияти назаррас дар рушди Ватан саҳмгузор бошад. Зеро фардои дурахшони ватани маҳбуб аз талошу заҳмат ва фаъолияти содиқонаву самимонаи имрӯзи ҷавонони ватандӯсти кишвар вобаста аст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.