ҶАВОНОН
Сешанбе 25 Феврал 2020 10:22
6728
Паёми имсолаи Асосгузори сулҳу ваҳдати миллӣ - Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ саршор аз меҳру муҳаббат нисбат ба қишри ояндасози ҷомеа, яъне мо, ҷавонон буда, ҳамчун як шоҳкитоби меҳр, садоқат, боварӣ ва умеду орзуи басо бузург барои наврасону ҷавонон ироа гардид.

Боиси ифтихор ва сарфарозии кулли ҷавонони бахтиёри диёр гардид, ки аз ҷониби Пешвои хирадманду оқилу доно, маорифпарвару сулҳофар ҷиҳати азхудкунии донишҳои замонавӣ, ташвиқу тарғиб ва ҷалби наврасону ҷавонон ба мутолиаи китобҳои бадеиву илмӣ, инчунин ҷиҳати тақвият бахшидани қобилияти эҷодии насли ояндасози кишвар, бо ин мақсад таваҷҷуҳи бештар зоҳир намудан ба илмҳои табиатшиносӣ, дақиқ ва риёзӣ, барои тавсеаи тафаккури техникии насли ояндасози давлату миллат, яъне ҷавонон як бистсола солҳои 2020-2040 - “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” пешниҳод гардид.

Лозим ба тазаккур аст, ки инчунин аз ҷониби Пешвои муаззами миллат ҷиҳати ҳавасмандгардонӣ ва аз лиҳози моддиву маънавӣ қадрдонӣ намудани ҷавонон дар ҷодаи илму маърифат пешниҳод гардид, ки ҳамасола олимпиадаҳои ҷумҳуриявӣ, вилоятӣ, шаҳрӣ ва ноҳиявиро оид ба илмҳои табиатшиносӣ, дақиқ ва риёзӣ дар ҳамаи зинаҳои таҳсилот баргузор намуда аз ҷониби вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо қадрдонӣ ва ҳавасмандгардонӣ карда шавад.

Аз ҷониби Асосгузори сулҳу ваҳдати миллӣ - Пешвои муаззами миллат ҷиҳати рӯ овардан ба таърихи кӯҳанбунёди хеш, огоҳ будан аз аслу насли гузаштагон бо мақсади омӯзиши амиқи таърихи пурифтихори халқи тоҷик ба Ҳукумати мамлакат супориш дода шуд, то аз ҳисоби Фонди Президенти Ҷумҳурии Тоҷикистон шоҳасари қаҳрамони Тоҷикистон Бобоҷон Ғафуров “Тоҷикон” чоп карда шуда, то ҷашни 30-солагии Истиқлолияти давлатӣ аз номи Роҳбари давлат ба ҳар як оила туҳфа карда шавад.

Мо, насли ояндасози миллат, ҷавобан ба бовариву эътимоди Пешвои миллат муҳтарам Эмомалӣ Раҳмон баҳри ҳифзу шукуфотар кардан ва ба наслҳои оянда ба мерос гузоштани Ватани ободу рушдёфта, таҳкими Ваҳдати миллӣ ва Истиқлолияти давлатӣ, густариши сатҳи худшиносиву худогоҳӣ ва ватандӯстӣ дар ҷомеа пайваста кӯшишу талош менамоем.

Мо ба хубӣ дарк мекунем, ки вазифаи аввалиндараҷаи мо ҳоло дар рӯҳияи эҳтиром ба муқаддасоти миллӣ, қонунияту тартибот ва риояи ҳатмии талаботи қонун тарбия намудани наврасону ҷавонон, аз таъсири харобиовари зуҳуроти номатлуби замони муосир, аз қабили ифротгароӣ, нашъамандӣ ва умуман ҳама гуна ҷинояткорӣ баровардан ва тарзи ҳаёти солимро дар байни онҳо ҳарчи бештар тарғибу ташвиқ кардан аст.

Муҳаммад ИСОМӢ,
сармутахассиси Бахши кор бо ҷавонон
ва варзиши шаҳри Исфара

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.