Дар толори калони МИҲД – и шаҳри Истаравшан вохӯрии намояндагони Раёсати кор бо ҷавонон ва варзиши вилояти Суғд бо хонандагони муассисаҳои таҳсилоти миёнаи умумии шаҳр баргузор гардид.

Вохӯрии мазкурро Нигора Ҳайдарзода, муовини аввали раиси шаҳри Истаравшан  ҳусни оғоз бахшида, сипас  Нозимҷон Ҳакимов, намояндаи Раёсати кор бо ҷавонон ва варзиши вилоят дар мавзӯи “Паёми Пешвои миллат-роҳнамои фардои ҷавонон” баромад намуд.

Номбурда зимни баромади хеш давъат ба амал овард, ки бояд хонандагон  забонҳои хориҷиро аз худ намоянду  барои пос доштани арзишҳои миллӣ ҳарчи бештар кӯшиш намуда, парчамбардори давлати хеш бошанд.