ҶАВОНОН
Шанбе 13 Апрел 2024 05:04
10033
Дар шаҳри Душанбе як гурӯҳ ҷавонон ба хотири ҷонибдорӣ аз пешниҳоди Президенти Ассотсиатсияи Футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ вобаста ба эълони Рӯзи ҷаҳонии футбол гирдиҳамоӣ доир карданд.

Дар ин бора аз дафтари матбуоти раиси шаҳри Душанбе хабар доданд.

Ба иттилои манбаъ ин гирдиҳамоӣ бо ибтикори Раёсати кор бо ҷавонон ва варзиши шаҳри Душанбе роҳандозӣ гардида, дар он асосан ҷавонону варзишгарон ва сокинони касбу кори гуногуни пойтахт ба пешниҳоди Президенти Ассотсиатсияи Футболи Осиёи Марказӣ ҳамовозӣ карда, талаб кардаанд, ки аз ҷониби Маҷмааи Умумии Созмони Милали Муттаҳид вобаста эълон гардидани Рӯзи ҷаҳонии футбол Қатъномаи махсус қабул карда шавад.

Шумораи иштирокчиёни гирдиҳамоӣ бошад наздик ба 10000 нафар гуфта мешавад.

Ёдовар мешавем, ки чанде қабл Рустами Эмомалӣ ба Созмони Милали Муттаҳид пешниҳод намуда буданд, ки нақши футболро дар сатҳи ҷаҳонӣ эътироф намуда, тариқи қабули Қатъномаи махсуси Маҷмаи Умумии Созмони Милали Муттаҳид Рӯзи ҷаҳонии футбол расман эълон гардад.

Президенти Федератсияи футболи Тоҷикистон дар пешниҳод ба СММ таъкид намуда буданд, ки “Ин як намуди варзиш падидаи фарҳанги умумиҷаҳонӣ аст, ки марзҳои миллӣ, монеаҳои забонӣ ва тафовутҳои иҷтимоиву иқтисодиро убур менамояд. Ин як варзише аст, ки ҷаҳонро муттаҳид месозад ва бо забони универсалӣ сухан мегӯяд, ки ба ҳамагон маълум аст, яъне аз кӯчаҳои пур аз мухлиси шаҳрҳои бузург сар карда, то деҳаҳои дурдасттарини ҷаҳон футболро мешиносанду бозӣ мекунанд. Бо назардошти ин пешниҳод дорам, ки нақши футболро дар сатҳи ҷаҳонӣ эътироф намуда, дар Созмони Милали Муттаҳид аз тариқи қабули Қатъномаи махсуси Маҷмаи Умумии Созмони Милали Муттаҳид Рӯзи ҷаҳонии футбол расман эълон гардад”.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.