Наврасону ҷавонон ва варзишгарони ноҳияи Роштқалъа аз ҷамоати Мирсаид Миршакари ноҳия бо парчаму шиорҳои "Ҷавонон пайрави Пешвои миллат" ва "Бо Президентам ифтихор мекунам!" то мактаби таҳсилоти миёнаи умумии № 22 роҳпаймоӣ намуданд.

Дар ин бора Меҳрӣ Балхова, корманди Бахши кор бо ҷавонон ва варзиши ноҳияи Роштқалъа иттилоъ дода гуфт, ки роҳпаймоӣ ба ифтихори Рӯзи Президенти кишвар рӯи кор омада, инчунин дар он кормандони ҷавони идораву муассисаҳои маҳаллӣ иштирок карданд.

Баъдан дар назди мактаби мазкур барномаи ҷолиби консертӣ бо ширкати ҳофизону ҳаваскорони ноҳия ташкил карда шуд.