Ба ҳолати имрӯза дар шаш ҷамоату 72 деҳаи ноҳияи Роштқалъа 568 нафар волонтёр давоми шабонарӯзӣ дар хизмати мардум қарор доранд.

Дар ин бора роҳбари Бахши дастгирӣ ва волонтёрони ноҳия Дидоршоҳ Насриддинов иттилоъ дода гуфт, ки феълан дар ноҳия бо ибтикори мақомоти ҳокимияти давлатии ноҳия, ҷомеаи шаҳрвандӣ ва фонди Фонди Оғохону сохторҳои маҳаллӣ гурӯҳи “СТОП COVID – 19 Роштқалъа” таъсис дода шуда, ҳадафи он пешгирӣ ва мубориза бо коронавирус мебошад.

Ғайр аз кумаку дастгириҳои пайвастаи Ҳукумати Ҷумҳурии Тоҷикистон ба табибон, беморону ниёзмандони ноҳия, инчунин соҳибкорону шахсони саховатпеша, ки зодагони ноҳия ҳастанд, ҳамарӯза ба касалхонаҳои ноҳиявӣ ёрии моддиву маблағӣ ва озуқавории хешро мерасонанд.

Волотёрон бошад аз даромадгоҳи Роштқалъа сар карда, то дурдастарин деҳоти ноҳия дар риояи қатъии тартиботи ҷамъиятӣ дар давраи пандемияи умумиҷаҳонӣ, гигиенаи шахсӣ ва дигар ниёзҳои мардум кумак менамоянд.