Ба комиссариати ҳарбии ноҳияи Роштқалъа таи чанд рӯзи охир ихтиёран 28 нафар ҷавонписарони синни даъватӣ ҳозир шуданд.

Дар ин бора Зӯҳро Муллоҳукматова, мудири Бахши кор бо ҷавонон ва варзиши ноҳия иттилоъ дода гуфт, ки феълан ҷавонон аз муоинаи тиббӣ гузаштанд ва қариб ҳамаи онҳо солим баромаданд.

Ба иттилои манбаъ дар ин маъракаи муҳими сиёсӣ тамоми ҷамоатҳои деҳот, аъзоёни комиссияи ноҳиявӣ фаъолияти пурсамар дошта, дар ояндаи наздиктарин нақшаи даъват пурра таъмин мегардад.