Бахши кор бо ҷавонон ва варзиши ноҳияи Роштқалъа дар ҳамкорӣ бо намояндагии Донишгоҳи Осиёи Марказӣ дар Хоруғ барои 30 нафар ҷавонони ноҳия семинари омӯзишӣ гузаронид.

Семинар дар мавзӯи “Омода намудани лоҳияҳои муваффақи бизнесӣ” дар доираи нақшаи чорабиниҳои бахш, ки ба “Соли рушди сайёҳӣ ва ҳунарҳои мардумӣ” бахшида шуданд, рӯи кор омада, дар он инчунин перомуни ҳунарҳои бофандагӣ, дӯзандагӣ, кандакорӣ, челонгарӣ ва ғайра ба ҷавонон маълумоти иловагӣ дода шуд.

Зуҳро Муллоҳукматова, мудири бахш гуфт, ки дар ҷамъбасти семинар ҷавонон анкетаҳоро пур карда, баъди қабул гардидани лоҳияҳои бизнесӣ онҳо муддати се моҳ дар донишгоҳи мазкур ба курсҳои такмили ихтисос ҷалб мешаванд ва беҳтаринҳо дар оянда бо ҷои кор таъмин хоҳанд гашт.