Аз 9 то 11 июли соли ҷорӣ дар марказии таълимии ноҳияи Шаҳристони вилояти Суғд аз тарафи Ассотсиатсияи миллии волонтёрони Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва ташкилоти байналмилалии ЮНИСЕФ барои волонтёрон семинарҳои омӯзишӣ доир намуданд.

Дар ҷараёни омӯзиш ба волонтёрон тренерони соҳибтаҷриба вобаста ба рушди фаъолияти волонтёрӣ, ташкил ва баргузор намудани чорабиниҳо, омода кардани маводҳои иттилоотӣ ва иштироки фаъолона дар муборизаҳои иттилоотӣ дарсҳои назарявӣ ва амалиро роҳандозӣ намуданд. 

Иқдоми мазкур бо мақсади омода намудани ҷавонони соҳибистеъдод ва ташаккул додани маҳорати ташкилотчигӣ дар замири ҷавонони тоҷик мебошад. Дар охир ба иштирокчиёни семинар аз ҷониби кумитаи тадорукот шаҳодатномаи хатм тақдим карда шуд.