ҶАВОНОН
Ҷумъа 03 Июл 2020 10:44
7077
Корҳои сохту сози манзилҳои истиқоматӣ дар деҳаи навбунёди Чобғоги ноҳияи Хуросон, барои оилаҳои аз офати табии зарардида бо маром идома дошта, тибқи нақшаи Мақомоти иҷроияи ҳокимяти давлатии вилояти Хатлон тамоми ташкилоту муассисаҳои вилоят, шаҳру ноҳияҳо ва соҳибкорону дигар нафарони хайрхоҳ ба таври ҳамешагӣ кумак мерасонанд.

Тавре мудири шуъбаи Кор бо ҷавонон ва варзиши ноҳияи Хуросон Содиқҷон Ғолибзода иттилоъ дод, дар баробари дигар сохторҳо аз 67 хонаи бунёдшаванда корҳои сохтмонии як адади он ба души ҷавонон вогузор карда шудааст. Ба ин хотир ҷавонони ташаббускори вилоят низ дар канор намонда, ҳамаруза аз рӯи тартиби муайян аз ҳар як шаҳру ноҳия ба ин деҳаи навбунёд омада дар корҳои сохтмонӣ ҳиссагузорӣ менамоянд.

Аз рӯи иттилоъ ин навбат 35 нафар ҷавонони ихтиёрӣ аз ноҳияи Ёвон ба ноҳияи Хуросон омада, дар анҷом додани корҳои бунёдкорӣ ба сохтмончиён кумак расониданд.

Бино ба маълумоти Сидоти вилоятӣ аз 67 хонае, ки барои оилаҳои аз офати табиӣ зарардидаи ноҳияи Хуросон дар маҳалли бехавфи Чорбоғи ин ноҳия сохта шуда истодааст, бардоштани девор дар 49 хона ба охир расида, дар 11 хона сохтмони бом ва болопӯш оғоз ёфтааст.

Ҳамрӯза дар ин корзор аз ҷониби ташкилоту муассисаҳои вилоят, шаҳру ноҳияҳо ва дигар шахсони саховатпеша беш аз 1000 нафар сохмтониён ва сокинон дар 2 вақт бо хӯроки гарму серғизо таъмин карда мешаванд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.