ҶАВОНОН
Якшанбе 21 Июл 2019 03:48
4794
29 август, дар доираи Фести­вали байналмилалии ҷавонон ва донишҷӯёни давлатҳои узви ШОС ва ИДМ таҳти унвони “Тоҷикистон ва роҳи абрешим: таърих ва замони муосир” иштирокчиёни он аз мавзеъҳои таъри­хию фарҳангии шаҳри Душанбе дидан намуданд.

Дар ибтидо иштирокчиён ҳамчун рам­зи эҳтиром ва баҳри арҷгузорӣ ба халқу миллати тоҷик дар пояи муҷассамаи по­ягузори давлати тоҷикон шоҳ Исмоили Сомонӣ гулчанбар гузоштанд.

Пас аз маросими гулчанбаргузорӣ ва гирифтани акси хотиравӣ иштирокчиёни фестивал аз боғи фарҳангӣ-фароғатии “Ҷавонон”, боғи устод Абӯабдуллоҳи Рӯдакӣ, Парчами давлатии Ҷумҳурии Тоҷикистон, ва Осорхонаи миллӣ дидан намуда, бо таърих ва фарҳанги қадимаи халқи тоҷик ошноӣ пайдо намуданд.

Иштирокчиёни фестивал пас аз саёҳати мавзеъҳои таърихию фарҳангии шаҳри Душанбе роҳ сӯи вилояти Суғд пеш гирифта, онҳоро ҷавонону сокинони меҳмоннавози ноҳияи Айнӣ ва шаҳрҳои Истаравшан ва Гулистони вилояти Суғд бо нону намак ва навои тоҷикона пешвоз гирифтанд.

Дар ин рӯз дар шаҳри Гулистон таш­кили намоишгоҳи инноватсионӣ, намоиши презентатсияҳои ҷавонон аз давлатҳои ИДМ ва СҲШ, ташкили озмун-намоишгоҳ дар мавзӯи “Чашмаҳо набзи ҳаёт” ба нақша гирифта шудааст.

Тибқи барномаи тасдиқшуда 30 ав­густ бо иштироки ҷавонону донишҷӯёни аъзои давлатҳои ИДМ ва СҲШ конфрон­си илмӣ-назариявии байналмилалӣ дар мавзӯи “Тоҷикистон ва Роҳи Абрешим: таърих ва замони муосир” баргузор гар­дида, меҳмонон ҳамзамон аз Маҷмааи фарҳангиву меъмории “Қалъаи Муғ”, Муассисаи давлатии “Боғи миллии Ваҳдат”, Осоишгоҳи “Баҳористон”, Қасри Арбоб, Маҷмааи фарҳангию таърихии “Истиқлол”, Маҷмааи фарҳангию таъ­рихии “Қалъаи Хуҷанд”, Маҷмааи “Оши палов” ва дигар мавзеъҳои таърихиву фарҳангии вилояти Суғд боздид намуда, дар Фестивали байналмилалии “Овози дӯстӣ” иштирок менамоянд.

Чорабинии мазкур дар зери сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон баргузор гардида, фароҳам омада­ни чунин шароити мусоид ҷиҳати табоду­ли таҷриба миёни ҷавонони ИДМ ва СҲШ ғамхорию дастгирии навбатии Пешвои му­аззами миллат дар самти ҷавонон мебошад

Ҳадаф аз баргузории Фестива­ли мазкур густариши дӯстиву рафоқат, муносибатҳои ҳамҷаворӣ миёни ҷавонон, таҳкими сулҳу субот ва ваҳдати миллӣ дар байни онҳо, табодули таҷриба ва таҳаввулоти тоза ворид намудан дар ҳаёти зебои ҷавонони кишварҳои аъзои ИДМ ва СҲШ мебошад.

Ёдовар мешавем, ки Фестивали бай­налмилалии ҷавонон ва донишҷӯёни давлатҳои аъзои Созмони Ҳамкориҳои Шанхай ва Иттиҳоди Давлатҳои Мустақил аз 28 то 1 сентябри соли ҷорӣ дар шаҳрҳои Душанбе ва Гулистони вилояти Суғд баргу­зор гардида, дар доираи он баргузории кон­фронс, чорабиниҳои гуногуни фарҳангӣ, илмию эҷодӣ, семинару мизҳои мудаввар бо иштироки ҷавонони давлатҳои аъзои СҲШ ва ИДМ дар назар аст.











Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.