Дар Осорхонаи ба номи Мирзо Турсунзодаи шаҳри Турсунзода семинари омӯзишӣ дар мавзӯи “Мавқеи ҷавондухтарон дар татбиқи сиёсати иҷтимоии давлат” бо иштироки ҷавондухтарони фаъоли шаҳр баргузор гардид.

Гуфта шуд, ки мақсад аз гузаронидани чунин семинарҳо баланд бардоштани маърифати сиёсиву ҳуқуқии ҷавондухтарон дар ҷомеа, пешгирӣ намудани ҷудошавии оилаҳои ҷавон, бунёд намудани оилаҳои солим ва пешгирӣ намудани дигар омилҳои номатлуби иҷтимоӣ миёни онҳо мебошад.

Дар охири чорабинӣ байни ҷавонон ва масъулин суҳбати озод сурат гирифта, иштирокчиён ба саволҳои худ ҷавобҳои даркорӣ гирифтанд.