Бо ташаббуси Раёсати кор бо ҷавонон ва варзиши вилояти Суғд семинар - машварат ҷиҳати пешгирии ҷавонон аз омилҳои номатлуб таҳти унвони “Ҷавонон - ифротгариро маҳкум месозанд” дар мақомоти иҷроияи ҳокимияти давлатии шаҳри Конибодом доир гардид.

Семинар бо мақсади баланд бардоштани сатҳи дониши наврасону ҷавонон, баланд бардоштани ҳисси ватандӯстии наврасону ҷавонон, даст кашидан аз амалҳои номатлуб, ҳамроҳ нашудан ба ҳар гуна ҳизбу ҳаракатҳои террористиву экстремистӣ ва тарбияи онҳо дар рӯҳияи ватандӯстӣ бо ҷалби беш аз 250 нафар наврасону ҷавонон баргузор шуд.

Дар ҷараёни семинар қайд гардид, ки терроризм ва ифротгароӣ тамоми ҷомеаи ҷаҳониро фаро гирифта, бо истифода аз роҳҳои мухталиф кӯшиш бар он доранд, ки таъсир ва нуфузи худро боло баранд ва бо ин роҳ мақсадҳои манфури хешро амалӣ созанд. Нерӯҳои созандаи аҳли башар дар шароити кунунӣ бар он мекӯшад, ки таъсир ва нуфузи созмону гурӯҳҳои террористӣ ва ифротгароиро ба мардум ва ҷомеаҳо кам намоянд ва ба нестӣ расонида бошанд.