Дирӯз дар толори маҷлигоҳи мақомоти иҷроияи ҳокимияти давлатии шаҳри Истаравшан бо иштироки беш аз 150 нафар волонтёр семинари омӯзишӣ баргузор гардид.

Дар семинари омӯзишӣ дар шаҳри Истаравшани вилояти Суғд муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳмадзода Дилнозаи Давроналӣ ширкат варзида, муҳимият, масъулияти волонтёронро дар раванди интихоботи Президенти Ҷумҳурии Тоҷикистон, ки санаи 11 октябри соли ҷорӣ баргузор мегардад баён доштанд.

Зимни суханрониҳо гуфта шуд, ки бо мақсади омодагии волонтёрон дар раванди интихоботи навбатии Президенти Ҷумҳурии Тоҷикистон дар кишвар аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон беш аз 10 ҳазор нафар волонтёр омода гардида, ҷиҳати гузаронидани машваратҳои иттилоотӣ семинарҳои омӯзишии сайёр дар шаҳру ноҳияҳои кишвар роҳандозӣ гардида истодааст.