Дар ҷамоати шаҳраки Меҳнатободи ноҳияи Зафаробод бо ҷавонон вохӯрӣ доир гардид.

Зимни вохӯрӣ масъулин оиди нуктаҳои муҳими Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ суханронӣ намуданд.

Гуфта шуд, ки саҳми бузургу беназири Пешвои миллат дар бунёд, рушд ва инкишофи самтҳои ҳамаҷонибаи Тоҷикистон, таҳкими Ваҳдати миллӣ, Истиқлолияти давлатӣ, рушди иқтисодию иҷтимоии кишвар, боло бардоштани сатҳи некӯаҳволии мардум бағоят бузург буда, Паёми Пешвои миллат муҳтарам Эмомалӣ Раҳмон беҳтарин дастуру роҳнамо барои фаъолияти созанда дар ҳамаи самту соҳаҳост.

Дар идома таъкид гардид, ки вазифаи виҷдониву инсонии ҳар як ҷавон ин аст, то истиқлолу озодии давлати соҳибихтиёрамонро чун неъмати муқаддаси ҳаёташон ба мисли гавҳари бебаҳои зиндагиашон гиромӣ доранд ва барои ҳимояи он ҳамеша омода бошанд.