Чанде пеш дар ноҳияи Шоҳмансур бахшида ба ҷашни 20-солагии Рӯзи Ваҳдати миллӣ ва “Соли ҷавонон” таҳти унвони “Ҷавонон - посдори арзишҳои миллӣ” конфиренсияи илмӣ-амалӣ баргузор гардид.

Муовини раиси ноҳия Бобозода Мавҷуда тамоми ҷамъомадагонро ба рӯзи 20-солагии Ваҳдати миллӣ табрик намуда, ҷавононии ноҳияро ба роҳи ватандӯстиву хештаншиносӣ даъват намуд: “Имрӯз ҷавонони кишварро мебояд барои ободиву осудагии ватани хеш тамоми маҳорату малакаи худро истифода бурда, то ҷон дар тан доранд, барои ҳимояи марзу буми кишвар талош варзанд”.

Дар чорабинии мазкур ҳамчунин нависандаи халқии Тоҷикистон Кароматулло Мирзо, доктори илмҳои таърих Ҳамза Камолов ва гирандагони стипендияи призидентии ноҳия иштирок ва суханронӣ намуданд.

Дар охир миёни иштирокчиёни конфронс суҳбати озод баргузор гардида, наврасону ҷавонон ба саволҳои худ посух гирифтанд.

Меҳрубон Имомова, “ҶТ”