ҶАВОНОН
Якшанбе 08 Сентябр 2024 09:41
![3459](/upload/iblock/ce4/11.jpg)
Боиси ифтихор аст, ки иддае аз ҷавонони тоҷик берун аз ҷумҳурӣ дар соҳаҳои гуногун муваффақ шуда обрӯи Ватану миллатамонро баланд мебардоранд. Яке аз онҳо мудири шуъбаи ҷарроҳии Беморхонаи марказии шаҳри Слантсии вилояти Ленингради Федератсияи Русия Ҷамшед Аминов мебошад. Номбурда соли 2014 соҳиби унвони ифтихории “Ҷарроҳи беҳтарини шаҳри Слантси” гардид. Дар рӯзномаҳои шаҳрӣ борҳо арзи миннатдории шифоёфтагон ба ин ҷарроҳи ҷавони тоҷик ба табъ расидааст.
Ҷамшед Аминов дастпарвари мактаби миёнаи умумии рақами 30 шаҳри Ҳисор буда, соли 2004 Академияи тибби ҳарбии ба номи С.М. Кирови шаҳри Санкт-Петербургро хатм кардааст. Баъди хатми бомуваффақияти Академия ба ординатураи клиникӣ бо ихтисоси “Ҷарроҳи умумӣ” дохил шуда, соли 2007 онро ба итмом расонид. Ҷамшед аз соли 2007 то соли 2009 дар Маркази саломатии №2 шаҳри Душанбе ҳамчун табиби ҷарроҳ адои вазифа намуд. Сипас ӯро дар беморхонаи марказии шаҳри Слантси ҳамчун духтури ҷарроҳ ба кор гирифтанд. Кордонию малака ва муомилаи хубашро ба назар гирифта, дар ҳамин беморхона мудири шуъбаи ҷарроҳӣ таъин намуданд. Ҷамшед, ки ба омӯзиши бештар ва баланд бурдани тахассусаш шавқи зиёд дошт, соли 2014 аспиранти кафедраи ҷарроҳии умумии Академияи тибби ҳарбии ба номи И.И. Мечникови шаҳри Санкт-Петербург гардид. Таи се сол шогири ҷарроҳи машҳур, доктори илмҳои тиб, профессор Николай Глушков шуда, бо ҳаммуаллифии ин олими варзида дар маҷаллаҳои “Вестник Российской Военно-Медицинской Владении”, “Вестник СЗГМУ им.И.И. Мечникова”, “Скорая медицинская помощь” мақолаҳои илмиашро ба табъ расонид. Ҳамчунин Ҷамшед Аминов ҳаммуаллифи китоби дуҷилдаи дарсии “Желчнокаменная болезнь” (“Бемории санги талхадон”) барои макотиби олӣ мебошад, ки соли 2016 дар шаҳри Санкт-Петербург ба табъ расидааст. Мақолаҳои илмияшро дар Маҷмӯаи корҳои илмии нашриёти “РГПУ ба номи А.И. Гертсен” ҷо додаанд.
Чанде пеш Ҷамшед Аминов таҳти роҳбарии профессор Николай Глушков дар мавзӯи “Усули самарабахши ҷарроҳии бемориҳои талха” рисолаи номзадӣ ҳимоя намуд. Мо Ҷамшедро ба ин комёбӣ муборакбод гуфта, боварӣ дорем, ки минбаъд низ дар ҷодаи илми тиб муваффақ шуда, шуҳрати миллати тоҷик ва Ватани азизамонро баланд мебардорад.
С. НАҶМИДДИНЗОДА
Ҷамшед Аминов дастпарвари мактаби миёнаи умумии рақами 30 шаҳри Ҳисор буда, соли 2004 Академияи тибби ҳарбии ба номи С.М. Кирови шаҳри Санкт-Петербургро хатм кардааст. Баъди хатми бомуваффақияти Академия ба ординатураи клиникӣ бо ихтисоси “Ҷарроҳи умумӣ” дохил шуда, соли 2007 онро ба итмом расонид. Ҷамшед аз соли 2007 то соли 2009 дар Маркази саломатии №2 шаҳри Душанбе ҳамчун табиби ҷарроҳ адои вазифа намуд. Сипас ӯро дар беморхонаи марказии шаҳри Слантси ҳамчун духтури ҷарроҳ ба кор гирифтанд. Кордонию малака ва муомилаи хубашро ба назар гирифта, дар ҳамин беморхона мудири шуъбаи ҷарроҳӣ таъин намуданд. Ҷамшед, ки ба омӯзиши бештар ва баланд бурдани тахассусаш шавқи зиёд дошт, соли 2014 аспиранти кафедраи ҷарроҳии умумии Академияи тибби ҳарбии ба номи И.И. Мечникови шаҳри Санкт-Петербург гардид. Таи се сол шогири ҷарроҳи машҳур, доктори илмҳои тиб, профессор Николай Глушков шуда, бо ҳаммуаллифии ин олими варзида дар маҷаллаҳои “Вестник Российской Военно-Медицинской Владении”, “Вестник СЗГМУ им.И.И. Мечникова”, “Скорая медицинская помощь” мақолаҳои илмиашро ба табъ расонид. Ҳамчунин Ҷамшед Аминов ҳаммуаллифи китоби дуҷилдаи дарсии “Желчнокаменная болезнь” (“Бемории санги талхадон”) барои макотиби олӣ мебошад, ки соли 2016 дар шаҳри Санкт-Петербург ба табъ расидааст. Мақолаҳои илмияшро дар Маҷмӯаи корҳои илмии нашриёти “РГПУ ба номи А.И. Гертсен” ҷо додаанд.
Чанде пеш Ҷамшед Аминов таҳти роҳбарии профессор Николай Глушков дар мавзӯи “Усули самарабахши ҷарроҳии бемориҳои талха” рисолаи номзадӣ ҳимоя намуд. Мо Ҷамшедро ба ин комёбӣ муборакбод гуфта, боварӣ дорем, ки минбаъд низ дар ҷодаи илми тиб муваффақ шуда, шуҳрати миллати тоҷик ва Ватани азизамонро баланд мебардорад.
С. НАҶМИДДИНЗОДА
Эзоҳи худро нависед