Дар доираи дастуру супоришҳои Пешвои миллат муҳтарам Эмомалӣ Раҳмон, ки дар мулоқот бо роҳбарону фаъолони ВМКБ дода шуда буданд, масъулини Бахши кор бо ҷавонон ва варзиши ноҳияи Мурғоб дар ҳамкорӣ бо идораю сохторҳои маҳаллӣ байни ҷавонон силсиламулоқотҳо гузарониданд.

Ба иттилои мудири бахш Жанпулод Қамчибеков чунин вохӯриҳо ҳамчунин дар доираи "Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016 - 2018” ва мавзӯи "Мавқеи ҷавонони ноҳияи Мурғоб дар мубориза бар зидди равандҳои номатлуби ҷомеа: ВНМО/БПНМ, ҷинояткорӣ, терроризм ва нашъамандӣ" доир гашта, дар он роҳбарияти ноҳия, масъулини прокуратура ва маркази ВНМО ширкат доштанд.

Дар доираи мавзӯи болозикр викторинаи саволу ҷавоб баргузор шуда, барои посухҳои дуруст аз ҷониби бахш ба ҷавонони фаъол тӯҳфаю буклетҳои гуногун перомуни пешгирии падидаҳои номатлуби ҷомеа дода шуд.