ҶАВОНОН
Ҷумъа 10 Июл 2020 02:28
1764
Дирӯз, 20 октябр, Аҳтам Абдуллозода, раиси Кумитаи ҷавонон, варзиш ва сайёҳӣ бо рафти корҳои сохтмонии Маркази ҷавонон дар ноҳияи Шаҳринав шинос шуд.



А. Абдуллозода аз гирду атроф ва дохили Маркази ҷавонон дидан намуда, барои бо сифат анҷом додани корҳои сохтмонӣ ва ободу зебо гардонидани гирду атрофи бинои марказ ба масъулин дастуру супоришҳои мушаххас дод.

Маълум гардид, ки бештари корҳои сохтмонӣ ба анҷом расида, корҳои рангубор ва ороишӣ бо маром идома дорад.

Боиси зикр аст, ки бо шарофати ба даст овардани Истиқлолияти давлатӣ ва таваҷҷуҳи пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон нисбат ба ҷавонон – қишри ояндасози ҷомеа сол то сол дар саросари мамлакат теъдоди марказҳои ҷавонон зиёд мегарданд. Фаъолият намудани чунин марказҳо ба ҷавонон баҳри ташаккулёбӣ, худтакмилдиҳӣ ва иштироки фаъолонаашон дар ҳаёти иқтисодиву иҷтимоии кишвар заминаи мусоид фароҳам меоварад.

Марказ аз ду ошёна ва таҳхона иборат буда, дорои утоқҳои корӣ, забономӯзӣ, маҳфилҳои зебоипарастӣ, ихтиёриён, толори маҷлисгоҳ буда, бо мақсади хизматрасонии маҷмӯӣ ба ҷавонон то охири сол расман ба фаъолият шуруъ менамояд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.