Дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва татбиқи Паёми Пешвои миллат муҳтарам Эмомалӣ Раҳмон ба Маҷлиси олӣ масъулини филиали Иттифоқи ҷавонони Тоҷикистон дар ВМКБ ва Раёсати кор бо ҷавонон ва варзиши вилоят бо ҷавонони ҷамоатҳои Роштқалъаву Мирсаид Миршакари ноҳияҳои Роштқалъа мулоқот карданд.

Зимни сӯҳбат сардори раёсат Сураҷ Чоршанбиев иброз намуд, ки маҳз таваҷҷӯҳи ҳамешагии Ҳукумати кишвар нисбати сокинони ноҳия аст, ки феълан дар ҷамоату деҳаҳо даҳҳо иншооти хурду бузурги гуногун сохта шуда, ба таҳкими тарзи ҳаёти солим диққати аввалиндараҷа равона мегардад.

Асосгузори сулҳу ваҳдати миллӣ муҳтарам Эмомалӣ Раҳмон чанде пеш дар маҷлиси васеи Ҳукумати мамлакат ҳам бори дигар таъкид намуданд, ки имрӯз корҳо барои оғози бунёди нерӯгоҳи барқи обии “Себзор” дар ноҳия босуръат идома дошта, бо мақсади дар сатҳи баланд анҷом додани лоиҳаҳои сохтмонӣ ва дар умум рушди саноати кӯҳӣ дар шаҳру ноҳияҳои вилоят тадбирҳои иловагӣ бояд амалӣ шаванд.

Сипас ҷавонони ноҳия вобаста ба татбиқи Паём ва моҳияти он андешаҳои судманд баён намуданд.