Дар маркази ноҳияи Роштқалъа масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистонро сокинону ҷавонони ноҳия бо як дилгармӣ истиқбол намуданд.

Дар рафти мулоқот бо сокинон сардори Раёсати кор бо ҷавонон ва варзиши назди кумита Шоҳзод Раҳимзода зикр кард, ки ҳоло барои ҳар як фарди баору номуси Ватан, бахусус ҷавонони саотаманди ҳар гӯшаи диёри кишвар боиси ифтихору фараҳмандист, ки Ҳукумати кишвар, шахсан Пешвои муаззами миллат муҳтарам Эмомалӣ Раҳмон дар самти амалигардонии ҳадафҳои созандаи кишвар таваҷҷуҳи зиёд дошта, ҳар ташаббуси воқеии ҷавонон дастгирӣ меёбад.

Қайд гардид, ки дар давраи соҳибистиқлолии мамлакат дастовардҳои беназир рӯи кор омаданд, ки ободонӣ дар ҳар як шаҳру ноҳия гувоҳи он аст.

Сипас, ҷавонону сокинони ноҳияи Роштқалъа фикру дархостҳои мубрами хешро баҳри баррасӣ ба масъулини кумита пешниҳод намуданд.