Аз соли 1996 бо ибтикори Барномаи муштараки СММ оид ба пешгирии ВНМО (ЮНЕЙДС) 1-уми декабр ҳамчун Рӯзи байналмилалии мубориза бо ВНМО - Вируси норасоии масунияти одам (ВИЧ/СПИД) таҷлил карда мешавад. Дар ин рӯз миллионҳо нафар одамон лентаи сурхро, ки яке аз рамзҳои асосӣ ва таскинбахшандаи шахсони бо ВНМО зиндагикунанда мебошад, ба бар мекунанд.

Дар Тоҷикистон баҳри пешгирӣ ва муқовимат бо ВНМО корҳои хеле зиёд ба сомон расонида шудаанд. Аз ҷумла, 25-уми феврали соли равон тибқи Қарори Ҳукумати Ҷумҳурии Тоҷикистон “Барномаи миллӣ оид ба муқовимат ба эпидемияи ВНМО дар Ҷумҳурии Тоҷикистон барои солҳои 2017-2020” ва нақшаи тадбиқи он қабул гардид.

Дар ин замина, бо ибтикори Раёсати кор бо ҷавонон ва варзиши вилояти Суғд аксияи тарғиботӣ оиди мубориза бар зидди бемории хафнок ВНМО/БПНМ таҳти унвони "Ҷавонон ҳаёти солимро интихоб мекунанд" дар кӯчаву хиёбонҳо ва боғҳои фарҳангӣ - фароғатии шаҳру ноҳияҳои вилоят бо мақсади баланд бардоштани сатҳи дониши наврасону ҷавонон бобати хавфи вируси бемории ВНМО/БПНМ, тарғибу ташвиқи тарзи ҳаёти солим, пешгирӣ ва коҳиш додани ин бемории сироятӣ байни ҷавонон ташкил ва баргузор гардид.

Ҳамзамон, бояд қайд намуд, ки дар аксияи мазкур беш аз 8000 адад маводҳои тағиботӣ тақсим гардида, зиёда аз 10000 нафар наврасону ҷавонони вилоят ҷалб гардиданд.