Мақсади фестивал-озмуни мазкур, ки таҳти унвони “Гулдухтарони суғдӣ” доир гардид, тарғибу ташвиқи бунёди оилаи солим, эътибори махсус додан ба тарзи муошират, нақши хонадон дар тарбияи ҷавонон, муносибати байниҳамдигарӣ дар ҳолатҳои гуногун, сабру таҳаммул, иззату эҳтиром, рафтори ғамхорона нисбат ба якдигар, фарҳанги либоспӯшӣ, одоби рӯзгордорӣ ва маҳорати кадбонугӣ иборат буд.

Фестивал-озмуни мазкур дар ду давр гузаронида шуда, даври аввал дар сатҳи шаҳру ноҳияҳо, муассисаҳои таҳсилоти олӣ ва миёнаи касбӣ ва даври дуюм дар Муассисаи давлатии Кохи фарҳанги “Суғдиён”-и шаҳри Хуҷанд баргузор гардид.

Дар ҷамъбасти озмун ба ғолибон сипоснома, мукофотпулӣ ва туҳфаҳои хотиравӣ тақдим гардид.

Беҳрӯз ХОЛМУРОДОВ, “ҶТ”