Бо ташаббуси Раëсати кор бо ҷавонон ва варзиши вилояти Суғд дар якҷоягӣ бо Идораи телевизион ва радиои вилоят барномаи телевизионии Назаре ба оина дар мавзӯи “Пешвои миллат ва сиëсати давлатии ҷавонон” баргузор гардид.

Дар барнома собиқадорони меҳнат ва ҷавонони фаъоли вилоят аз муассисаҳои таҳсилоти олӣ ва миëнаи касбии вилоят иштирок намуда, доир ба мавзуъ андешаронӣ намуданд.

Зикр гардид, ки мо ҷавонони саодатманди тоҷик, зодагони даврони соҳибистиқлолии кишвари маҳбубамон аз муҳаббату самимияти беандозаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста баҳравар буда, пайрави ҳамешагии ин шахсияти беназир дар роҳи созандагиву бунёдкории ватани биҳиштосоямон Тоҷикистони муосир то абад боқӣ мемонем. Бо ифтихори баланд иброз менамоем, ки фарзанди фарзонаи миллат муҳтарам Эмомалӣ Раҳмон дар давраи ҳассоси таърихӣ миллатро аз марг ва давлатро аз парокандагӣ раҳо намуда, кохи муҳташами сулҳу тоҷиконро эъмор, низоми давлатдории муосири халқро асос гузошта, тоҷиконро ҳамчун миллати дорои Ватан, забон, фарҳанг ва таърихи қадима ба ҷаҳониён муаррифӣ ва дар навбати худ давлати Тоҷикистонро ҳамчун давлати соҳибихтиёр, демократӣ, ҳуқуқбунёд, дунявӣ ва ягона дар радифи халқу миллатҳои соҳибдавлат ҷойгузин намуданд, ки ин ҳама қудрату тавоноӣ аз ҷавонмардиву ҷасорат ва ваҳдатофарии Пешвои муаззами миллати тоҷик шаҳодат медиҳад.

Дар охир иброз гардид, ки дар ҳақиқат хизматҳои шоёни Пешвои миллат, муҳтарам Эмомалӣ Раҳмон дар рушди соҳаи маориф, тайёр намудани мутахассисони сатҳи ҷаҳонӣ, тарбияи насли наврасу ҷавон дар рӯҳияи ватандӯстӣ, пос доштани муқаддасоту арзишҳои миллӣ, дӯст доштани Ватан ва миллати худ бебаҳост. Аз ин рӯ бояд мо ҷавонон ба қадри ин ҳама расему омӯзем ва дар пешрафти меҳан саҳм гузорем.