ҶАВОНОН
Якшанбе 08 Сентябр 2024 04:51
![7918](/upload/iblock/f4e/%D0%A1%D1%83%D2%93%D0%B4%20%D0%B4%D0%B0%D1%8A%D0%B2%D0%B0%D1%82%20%D1%81%D0%B0%D0%B9%D1%82.jpg)
5 апрел дар Амфитеатри Қасри Арбоби ноҳияи Бобоҷон Ғафурови вилояти Суғд ба муносибати гусели аввалин гурӯҳи даъватшавандагон ба сафи Қувваҳои Мусаллаҳи кишвар ҷамъомади тантанавӣ бо иштироки роҳбарияти вилоят, роҳбарони мақомоти ҳифзи ҳуқуқ, комиссарони ҳарбӣ ва волидони даъватшавандагон доир шуд.
Дар ифтитоҳи чорабинӣ раиси вилояти Суғд Раҷаббой Аҳмадзода баромад намуда, қайд кард, ки ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Насли ҷавон дар сафи Қувваҳои Мусаллаҳи мамлакат хизмат намуда, муҳимтарин мактаби обутоби ҳаётро паси сар мекунанд. Маҳз дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомўзанд. Яъне, хизмати ҳарбӣ нишонаи равшани эҳсоси ватандўстӣ, дарки зарурат ва аҳамияти ҳимояи манфиатҳои давлат ва халқи Тоҷикистон мебошад.
Тибқи иттилои хадамоти матбуоти раиси вилоят корҳои тарғиботию ташвиқотии дар марҳилаи байнидаъватӣ баргузоргардида, боиси он шуд, ки садҳо нафар ҷавонони ватандўст аз шаҳру ноҳияҳои вилоят барои адои хизмат ихтиёрӣ омода гардиданд ва имрўз 1000 нафари онҳо ба сафи Қувваҳои Мусаллаҳи Ҷумҳурии Тоҷикистон гусел карда мешаванд. Дар рӯзҳои нахустини даъват ноҳияи Шаҳристон нақшаро пурра иҷро карда, шаҳру ноҳияҳои Деваштич, Гулистон, Зафаробод, Истиқлол ва Истаравшан пешсафи маъракаи даъват ҳастанд.
Дар идомаи чорабинӣ даъватшаванда, сокини ноҳияи Шаҳристон Шаҳзод Махкамов, сержант Муҳаммад Тӯраев ва падари даъватшаванда Ихтиёр Раҷабов сухан карда, хизмати Ватанро қарзи ҷавонмардӣ арзёбӣ карданд.
Барои даъватшавандагон ва волидони онҳо дастархони идона ороста шуда, дар охир барномаи консертӣ пешниҳод гардид.
Дар ифтитоҳи чорабинӣ раиси вилояти Суғд Раҷаббой Аҳмадзода баромад намуда, қайд кард, ки ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Насли ҷавон дар сафи Қувваҳои Мусаллаҳи мамлакат хизмат намуда, муҳимтарин мактаби обутоби ҳаётро паси сар мекунанд. Маҳз дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомўзанд. Яъне, хизмати ҳарбӣ нишонаи равшани эҳсоси ватандўстӣ, дарки зарурат ва аҳамияти ҳимояи манфиатҳои давлат ва халқи Тоҷикистон мебошад.
Тибқи иттилои хадамоти матбуоти раиси вилоят корҳои тарғиботию ташвиқотии дар марҳилаи байнидаъватӣ баргузоргардида, боиси он шуд, ки садҳо нафар ҷавонони ватандўст аз шаҳру ноҳияҳои вилоят барои адои хизмат ихтиёрӣ омода гардиданд ва имрўз 1000 нафари онҳо ба сафи Қувваҳои Мусаллаҳи Ҷумҳурии Тоҷикистон гусел карда мешаванд. Дар рӯзҳои нахустини даъват ноҳияи Шаҳристон нақшаро пурра иҷро карда, шаҳру ноҳияҳои Деваштич, Гулистон, Зафаробод, Истиқлол ва Истаравшан пешсафи маъракаи даъват ҳастанд.
Дар идомаи чорабинӣ даъватшаванда, сокини ноҳияи Шаҳристон Шаҳзод Махкамов, сержант Муҳаммад Тӯраев ва падари даъватшаванда Ихтиёр Раҷабов сухан карда, хизмати Ватанро қарзи ҷавонмардӣ арзёбӣ карданд.
Барои даъватшавандагон ва волидони онҳо дастархони идона ороста шуда, дар охир барномаи консертӣ пешниҳод гардид.
Эзоҳи худро нависед