Бо ташаббуси Раёсати кор бо ҷавонон ва варзиши вилояти Суғд дар толори филиали Донишгоҳи технологии Тоҷикистон мизи мудаввар таҳти унвони “Мо муҳофизони имрӯзу фардои Тоҷикистон” бо ҷалби беш 80 нафар ҷавонону наврасони касбу кори гуногун доир гардид.

Чорабинӣ бо мақсади зиёд намудани сафи ихтиёриён аз ҳисоби ҷавонони синни тодаъватӣ ба сафи артиш, баланд бардоштани ҳисси ватандӯстию ватанпарастии ҷавонон ва эҳтиром ба арзишҳои миллӣ баргузор шуда, иброз гардид, ки “Ин шабу рӯзҳо дар шаҳру навоҳии вилоят маъракаи сиёсӣ, яъне даъват ба сафи қувваҳои мусаллаҳи кишвар рафта истодааст ва ҷавонони ватандӯсту ҷасур ва боғайрат ихтиёран ба саффи қувваҳои мусаллаҳи кишвар сафарбар шуда истодаанд. Имрӯз тамоми қисмҳои низомии ҳудуди кишвар ба талаботи замони муосир ҷавобгӯ буда, барои будубоши хизматчиёни ҳарбӣ тамоми шароитҳо фароҳам оварда шудааст. Ҳар ҷавон бояд баҳри хизмат ба Ватан доимо омода бошад”.

Дар охири чорабинӣ миёни масъулин ва иштирокчиён суолу ҷавоб сурат гирифт.