Бо ташаббуси Раёсати кор бо ҷавонон ва варзиши вилояти Суғд дар толори Маркази фарҳангии шаҳри Хуҷанд озмуни вилоятии суханварони ҷавон таҳти унвони “Санъати сухан” доир гардид.

Озмуни мазкур миёни хонандагону донишҷӯёни муассисаҳои таҳсилоти олӣ, миёнаи касбӣ ва умумии вилоят баргузор шуда, мақсад аз он дарёфти беҳтарин суханвари ҷавон ва мубаллиғони ҷавони дорои фарҳанги баланди сиёсиву ҳуқуқӣ мебошад.

Пас аз натиҷагириҳои ҳайати ҳакамон Ҳодибоева Мафтуна, донишҷӯи ДДХ ба номи академик Б.Ғафуров сазовори ҷойи аввал, Суфиева Мафтуна донишҷӯи ДДХ ба номи академик Б.Ғафуров ҷойи дуюм ва ҷойи сеюм насиби гирандаи стипендияи Президентӣ, хонандаи синфи 11-и литсейи ДДҲБСТ Амонов Амонбой гардида, ғолибон бо диплому ифтихорнома ва тӯҳфаҳои хотиравӣ қадрдонӣ карда шуданд.