Бо ташаббуси Раëсати кор бо ҷавонон ва варзиши вилояти Суғд дар якҷоягӣ бо Бахши кор бо ҷавонон ва варзиши ноҳияи Бобоҷон Ғафуров  вохӯрӣ бо ҷавонони фаъоли ҷамоати деҳоти Ёва баргузор гардид.

Вохӯрӣ бо мақсади тақвият бахшидани фаъолияти волонтёрӣ дар маҳал ва бо ҳамин васила ҷалби ҷавонон ба фаъолияти волонтёрӣ ва корҳои созандагӣ доир шуда, ҳозирин бобати фаъолияти волонтёрӣ, қонунҳои танзимкунандаи соҳа, ҷанбаҳои мусбии фаъолият ва корҳои ба сомон расонидаи волонтёрон ибрози назар намуда, ҳозиринро барои саҳм гузоштан дар корҳои ободонӣ, созандагӣ ва бунёдкорӣ даъват намуданд.

Вохӯрии мазкур озоду самимӣ баргузор гардида, ҳозирин ба саволҳои худ посухҳои мушаххас гирифтанд.