ҶАВОНОН
Якшанбе 25 Август 2019 01:49
6259
Дар Раёсати ҷавонони шаҳри Бохтар бо иштироки мудирони башҳои ҷавонон ва варзиши 25 шаҳру ноҳияҳои вилояти Хатлон машварати омӯзишӣ баргузор гардид.  

Зимни семинар-машварат Шоҳзод Раҳимзода, сардори Раёсати кор бо ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба санадҳои меъёриву ҳуқуқии танзимкунандаи фаъолияти соҳаи ҷавонон ба иштирокчиён маълумот дода, иброз дошт, ки ба тасвиб расонидани чунин як барнома ҳамчун воситаи амалии идомаи мантиқии низоми барномасозии сиёсати давлатии ҷавонон ба ҳисоб рафта, дар асоси дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон бо тақозои ҷомеаи муосир, раванди ислоҳоти идоракунии давлатӣ ва бо дарназардошти натиҷагирӣ ва нақшаҳои дар ҷараёни фаъолият муқарраргашта таҳия гардидааст, ки татбиқи он ба фаъолияти сиёсати давлатии кор бо ҷавонон ва амалисозии рукнҳои сиёсати давлатии ҷавонон дар марҳилаи навбатӣ, се чор соли оянда мусоидат менамояд.

Гуфта шуд, ки ҳадафи асосии “Барнома милии рушди иҷтимоии ҷавонон дар Ҷумҳурии Тоҷикистон барои солҳои 2019-2021” ин фароҳам овардани шароити мусоид ва имкониятҳои фарох ҷиҳати иштироки ҷавонон дар ҳаёти сиёсӣ, иҷтимоӣ, иқтисодӣ ва фарҳангии ҷомеа ва дар ин замина баланд бардоштани эҳсоси ватандўстӣ ва худшиносии миллӣ, таъмини таҳсилоти муносиб, ҳифзи ҳуқуқу манфиатҳо, таҳкими фарҳанги оиладорӣ, ташаккули тарзи ҳаёти солим, рушди маҳорату малакаҳои эҷодкорӣ ва ҳунармандии ҷавонон мебошад.
 
Ҳаҷми умумии маблағгузории “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2019-2021” 10891000 (даҳ милиону ҳаштсаду наваду як ҳазор) сомониро ташкил дода, 8775000 (ҳашт миллиону ҳафсаду ҳафтоду панҷ) сомониаш аз ҳисоби буҷети ҷумҳуриявӣ ва 2116000 (ду миллиону яксаду шонздаҳ ҳазор) сомонии дигар аз ҳисоби дигар сарчашмаҳои маблағгузорие, ки қонунгузории Ҷумҳурии Тоҷикистон манъ накардааст, амалӣ мегардад.

Дар охир ба мудирони бахшҳои кор бо ҷавонон ва варзиши шаҳру ноҳияҳо, ки бевосита сиёсати давлатии ҷавононро дар маҳал тадбиқ менамоянд, барои сифатноку саривақт анҷом додани бандҳои нақшачорабиниҳои барномаи мазкур аз ҷониби масъулин маслиҳату супоришҳо дода шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.