Зери ин унвон дар муассисаи давлатии таълимии Литсейи касбии техникии саноатӣ-кишоварзии ноҳияи Зафаробод мизи мудаввар баргузор гардид.

Чорабинии мазкур бо мақсади дар амал татбиқ намудан ва иҷроиши "Стратегияи миллии Ҷумҳурии Тоҷикистон оид ба муқовимат ба экстремизм-терроризм барои солҳои 2016-2020" ва пешгирӣ намудани ҷавонон аз ҳар гуна ҳизбу ҳаракатҳои дорои хусусияти ифротӣ доир шуда, гуфта шуд, яке аз проблемаҳои муҳимтарине, ки дар доираи механизмҳои Созмони Милали Муттаҳид ба таври анъанавӣ аз ҳама асосӣ ва ҳалкунанда дониста мешавад, проблемаи нигоҳдории сулҳ ва амният дар сайёра аст.

Дар идома намояндаи Раёсати кор бо ҷавонон ва варзиши вилояти Суғд Ҳабибуллоев У.Н. баромад намуда, қайд кард, ки мавзуи терроризм ҳоло ҳадафу самти фаъолияти даҳҳо ташкилоту созмонҳо мебошад. Вале ба ҳамаи ин нигоҳ накарда, терроризм ва таъсири он на танҳо сусту заиф гардидааст, балки рўз аз рўз ҳодисаҳои террористӣ бештар гардидаанд. Муборизаи дастаҷамъонаи аҳли башар метавонад, пеши роҳи ин зуҳуроти номатлуби ҷаҳони имрӯзро гирифта бошад. Дар шароити кунунии авзои сиёсии ҷаҳон ва таҳаввулоти босуръати он, инчунин торафт вусъат гирифтани низоъҳои байнимазҳабӣ ва авҷи ҷиноятҳои муташаккили фаромарзӣ зиракии сиёсии ҷавонон аҳамияти бағоят бузург касб менамояд. Ҷавононро зарур аст, пайваста омӯзанд ва ба зидди ин гуна зуҳуротҳо мубориза баранд.