Соли 2020 дар кишвар 10 ҷавони ихтироъкор барои ихтирооташон соҳиби нахустпатент гардидаанд.

Дар ин бора Муборак Ғафурова, мутахассис-коршиноси Раёсати санҷиши давлатии ихтироот ва намунаҳои саноатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон иттилоъ дод.    

Бино ба гуфти манбаъ ин шумора бо шумораи ихтирооти соли 2019 баробар буда, навовариҳои ҷавонон асосан соҳаҳои тиб, дорусозӣ, кишоварзӣ, химия, металургия ва барқро фаро мегирад.

Ихтирооти ҷавонон дар ҳар соҳа манфиатнок дониста шуда, онҳо дорои навгонӣ мебошанд. Аз ҷумла, ихтирооти Ҷаҳонгири Абдулвоҳид таҷҳизот барои корҳои таъмирии дар хатҳои баландшиддати 35-220 кВ кўҳӣ, Юнусов Хусейн тарзи муолиҷаи тобхурии ҷараёни сутунмўҳравӣ дар асоси бурриши болои қулфакӣ ва Фарҳодӣ Андалеб Фарҳодзода қубури обмонии қатрагӣ аз бутилҳои пластикӣ.