2 марти соли ҷорӣ, дар ноҳияи Қубодиён вобаста ба даъвати баҳории наваскарон ҷамъомади тантанавӣ баргузор гардид.

Ҷамъомади мазкур дар комиссариати ҳарбии ноҳия доир гардида, Зафар Файзуллозода, раиси ноҳия зимни баромади хеш наваскаронро ба хазмати содиқонаву софдилона даъват намуда афзуд: "Имрӯз дар ин майдон ҷавононе саф оростаанд, ки онҳо дар қалбу тафаккури худ меҳри Ватан - Модар ва ҳимояи марзу буми кишварро ҷой додаанд".

Ҳамчунин дар чобарбинӣ даъватшудагони ихтиёрӣ ба сухан баромада, садоқати худро баҳри хизмати софдилона ба ватан изҳор намуданд.

Модарони даъватшудагон бо дуои нек наваскаронро ба хизмати Модар – Ватан гусел намуданд.

Дар чорабинӣ ҳамчунон маросими анъанавии “кулчагазон” доир гардида, дар фарҷом барномаи фарҳангӣ пешниҳоди ҳозирин гардид.