ҶАВОНОН
Шанбе 20 Апрел 2024 02:59
2925
6 июн бо ташаббуси Бахши ҷавонон, варзиш ва сайёҳии шаҳри Қӯрғонтеппа бо мақсади бедор намудани ҳисси ватандӯстӣ ва меҳанпарастии ҷавонон дар ҳошияи “Соли ҷавонон” дар маркази вилояти Хатлон, назди майдони ҷашнии Исмоили Сомонӣ, бо ширкати беш аз 4000 нафар ҷавонони шаҳр роҳпаймоӣ баргузор шуд.

Мақсад аз баргузории ин чорабинӣ изҳори сипоси ҷавонони вилоят ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон буд, ки соли 2017-ро “Соли ҷавонон” эълон карданд.

Баъд аз роҳпаймоӣ дар боғи фарҳанги-фароғатии шаҳр ба номи Раҳмон Мурчаев бо иштироки васеи сокинони шаҳр чорабинии фарҳангӣ доир шуд. Дар чорабинӣ сардори Раёсати ҷавонони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Шоҳзод Раҳимов баромад намуда зикр кард, ки: “Пешвои миллат аз рӯзҳои аввали фаъолияти худ ҷавононро қувваи пешбарандаи ҷомеа меҳисобиданд. Аз ин ҷост, ки дар Паëми навбатии худ соли 2017-ро дар қаламрави мамлакат Соли ҷавонон эълон карданд”.

Азиз Азимов, муовини сардори Раёсати ҷавонон, варзиш ва сайёҳии вилояти Хатлон зимни суханрониаш афзуд, ки “Шумо - ҷавонони саодатманд, баёнгарӣ он ҳастед, ки аз ин рӯйдоди бузург истиқбол намуда, рӯҳияи баланди худро дар ин тадбири муҳим баён дошта истодаед”.

Дар идомаи чорабинӣ ҷавонони фаъоли шаҳр суханронӣ намуда, аз ҷумла гуфтанд: “Мо - ҷавонони саодатманди диёр хуб медонем, ки сиёсати Ҳукумати кишвар сиёсати созанда буда, дар заминаи талаботи қонун асос ёфта, манфиатҳои миллии халқамонро ифода ва ҳимоят мекунад”.

Умед Мирзоев, “ҶТ”




Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.