Дар Фестивал–озмуни “Бӯстон–2017”, ки дар ҷамоати деҳоти Техарви ноҳияи Ванҷ баргузор гардид, аз байни 22 довталаб 10 нафар ба даври ниҳоии ноҳиявӣ роҳ ёфтанд.

Ба иттилои Масрур Ғайратов, мудири Бахши кор бо ҷавонон ва варзиши ноҳия дар озмуни телевизонӣ зиёда аз 160 нафар ширкат варзида, иштирокчиён намоишҳои саҳнавӣ, рақсу мусиқӣ ва дигар намуди ҳунарҳоро пешкаши тамошобинон гардониданд.

Аз рӯи натиҷаҳои даври ниҳоӣ ба озмуни сатҳи вилоятиву ҷумҳуриявӣ 7 нафар роҳхат гирифтанд.

Чорабинӣ ба ибтикори Муассисаи давлатии телевизиони “Сафина” дар ҳамкорӣ бо бахшҳои фарҳанг ва кор бо ҷавонон ва варзиши ноҳия ташкил гардида, ба муносибати “Соли ҷавонон” бахшида шудааст.

Машҳур ИМОМНАЗАРОВ, “ҶТ”